आरोग्य

कोपरगावात रुग्णवाढ थांबण्याचे नाव घेईना !

March 11, 2021

717 1 minute read

जाहिरात-9423439946

जनशक्ती न्यूजसेवा

कोपरगाव-(प्रतिनिधी)

देशात कोरोनाचा कहर दिवसेंदिवस वाढताना दिसत आहे.राज्यात सलग आठव्या दिवशी देशात हजारोहून जास्त कोरोनाच्या रुग्णांची भर पडली आहे.त्याला कोपरगाव शहर व तालुकाही अपवाद नाही कोपरंगाव तालुक्यात नगरहुन तपासून आलेल्या अहवालात २५ तर खाजगी प्रयोग शाळेतून तपासणी केलेल्या अहवालात ०० तर रॅपिड टेस्ट मधून ०१ असे एकूण २६ रुग्ण बाधित आढळल्याने कोरोनाचा कालचा विक्रम मोडीत निघाला नसला तरी हि वाढ काही थोडी थीडकी नसल्याचे समजले जात असून १० रुग्णांना उपचारानंतर सोडून देण्यात आले असल्याने कोपरगाव शहर पुन्हा एकदा टाळेबंदीकडे वाटचाल तर करीत नाही ना अशी शंका उपस्थित होत आहे.त्या बाबत नगराध्यक्ष विजय वाहाडणे यांनी आज आवाहन केले आहे.

कोपरगाव तालुक्यात बाधित रुग्णांची संख्या ०३ हजार २०८ इतकी आहे.तर सक्रिय रुग्णांची संख्या १३४ असून आज पर्यंत ४८ जणांचे कोरोनाने निधन झाले आहे.त्यांचा मृत्यूचा दर हा १.५० टक्के आहे.तर एकूण २१ हजार ८४० जणांचे श्राव तपासणी करण्यात आली आहे.त्यांचा दर दहा लाखांचा दर हा ८७ हजार ०५७ असा राहिला आहे.त्या तपासणीचा बाधित दर हा १४.६९ टक्के आहे.तर उपचारानंतर बरे होणारी संख्या हि ०३ हजार ०२१ इतकी आहे. तर त्यांचा बरे होण्याचा दर ९४.३३ टक्के इतका असल्याची माहिती तालुका वैद्यकीय अधिकारी डॉ.संतोष विधाते यांनी दिली आहे.

राज्यातील एकूण कोरोनाबाधित रुग्णांची संख्या २२ लाख ५२ हजार ३९८ वर पोहोचली आहे.आतापर्यंत एकूण २० लाख ९९ हजार २०७ रुग्ण कोरोनामुक्त झाले आहेत.तर राज्यात एकूण ९९ हजार ००८ सक्रिय रुग्ण आहेत.नगर जिल्ह्यात ७८ हजार१८७ रुग्ण सक्रिय आहे.तर सक्रिय ०१ हजार ९४३ आहे तर ७५ हजार ०८२ कोरोना मुक्त झाले आहे.तर आज पर्यंत ०१ हजार १६१ जणांचा मृत्यू झाला आहे.

कोपरगाव शहरात आज आलेल्या एकूण ११ बाधित रुग्णांत साईनगर पुरुष वय-४७,साईसीटी महिला वय-४५,सुभद्रानगर येथील पुरुष वय-४७,दोन महिला वय-२८,६५,निवारा दोन महिला वय-४८,२५,शिवाजी रोड पुरुष वय-६२,खडकी पुरुष वय-५०,एस.जी.विद्यालयाजवळ पुरुष वय-४३, महिला वय-३७,आदींचा समावेश आहे.

तर तालुक्यात आज आलेल्या आकडेवारीत बाधित १५ रुग्णांत करंजीत ०१ महिला वय-३८,तर पोहेगाव पुरुष वय-६८,हिंगणी महिला वय- २४,टाकळी पुरुष वय-७५,४५,३०,१६,७८,तर दोन महिला वय-४०,२१,आदींचा समावेश आहे.तर धारणगाव येथे महिला वय-३४,जेऊर पाटोदा दोन पुरुष वय-३९,२२ तर कोळपेवाडी पुरुष वय-२८,ब्राम्हणगाव पुरुष वय-५४,आदींचा समावेश आहे.

दरम्यान कोरोना वाढीचा दर पुन्हा गतवर्षीप्रमाणे उच्चान्क गाठतो का असा संभ्रम तयार झाला आहे.आजपर्यंत कोरोना नीचांकी पातळीवर होता,मात्र आता या पुढील काळात नागरिकांना लग्न,दहावे,अंत्यविधी आदी ठिकाणी गर्दीत जाण्याचे टाळावे लागणार आहे.या खेरीज बाहेर हॉटेल मध्ये जेवण गर्दीची ठिकाणी टाळावे लागणार असल्याचे आवाहन तहसीलदार योगेश चंद्रे यांनी केले आहे.