डॉ सोनाली चिने यांना पी एच.डी पदवी ग्रामस्थांच्या वतीने सत्कार

कोपरगाव तालुक्यातील कुंभारी येथील सुकन्या व संजीवनी युवा प्रतिष्ठानचे कार्यकर्ते प्रमोद शंकर चिने यांच्या भगिनी व संजीवनी अभियांत्रिंकी विद्यालयाच्या प्राध्यापीका डॉ. सोनाली शंकरराव चिने यांना डॉ. बाबासाहेब आंबेडकर मराठवाडा विद्यापीठ, ओरंगाबाद येथून रसायनशास्त्र विषयात पी.एच.डी. पदवी नुकतीच राज्यपाल कोशयारी यांचे हस्ते प्रदान करण्यात आली असून त्यांच्या या यशाबद्दल कुंभारी ग्रामस्थांच्या वतीने त्यांचे पती डॉ. किशन ज्ञानदेव थेटे यांच्यासह त्यांचा नुकताच कुंभारी सोसायटी नं. १ कार्यालयाच्या प्रांगणात सत्कार मोठ्या उत्साहात करण्यात आला आहे .कार्यक्रमाच्या अध्यक्षस्थानी माजी मुख्याध्यापक श्रीकृष्ण पैठणे हे होते.

सदर कार्यकमास संजीवनीचे माजी संचालक शिवाजीराव कदम, माजी सरपंच विजयराव कदम , ग्रा उपसरंपच दिगंबर बढे, गौतम पॉलटेक्निक कॉलेजचे ओ .एस .आणासाहेब बढे , डॉ . विश्वबर कदम, सोपानराव चिने, पांडुरंग चिने, रविंद्र चिने , डॉ . विजय गोडगे , सतीष कदम, प्रभाकर चिने, सुनिल कदम, पत्रकार संजय भारती, रिनाकांत कबाडी ,दत्ता चिने,, कल्पना चिने , ज्योती चिने असे अनेक ग्रामस्थ व महिला तसेच शनेश्वर भजनी मंडळ मोठया संख्येने उपस्थित होते .

सत्कार मुर्ती डॉ .सोनाली चिने बोलतांना म्हणाल्या कि, मी संसार – प्रपंच्याची धुरा सांभाळत ध्येयपूर्ति केली. या कामी माझे पती माझ्या मागे खंबीरपणे उभे राहिले . पुढे बोलतांना त्या म्हणाल्या कि, ” आई- बाबा तुम्हीच माझे प्रेरणास्थान ,तुमच्या उदरी जन्म घेतल्याचा वाटतो मला अभिमान ” आपल्यासाठी अहोरात्र परिश्रम घेणाऱ्या आई वडीलांचा मुलांना सार्थ अभिमान असावा असा संदेश त्यांनी भावी पिढीस दिला. त्यांनी सर्व ग्रामस्थांचे आभार मानले.सदर कार्यक्रमाचे सुत्रसंचलन अशोक वारुळे यांनी केले व शेवटी डॉ सुयोग पवार यांनी मान्यवरांचे व ग्रामस्थांचे आभार मानले ..