पुरस्कार,गौरव
सैन्यातील जवानाचा कोपरगाव सत्कार
न्यूजसेवा
कोपरगाव-(प्रतिनिधी)
कोपरगाव शहरातील हनुमान नगर (१०५) मधील सुलतान सय्यद हा युवक भारतीय सैन्यात सैनिक म्हणून कार्यरत आहे.त्याचा कोपरगाव नगरपरिषदेचे माजी नगराध्यक्ष विजय वहाडणे यांनी सत्कार केला आहे.
कोपरगाव शहरातील एका सामान्य घरातील वाहन चालकाच्या या सुपुत्राने परिश्रम करून चिकाटीने मेहनत घेऊन भारतीय सैन्यात नोकरी मिळविली आहे.सुलतान सय्यद हे काश्मीर मधील बारामुल्ला विभागात सेवेत कार्यरत आहेत.त्याच्या कार्याचे सर्वत्र कौतुक होत आहे.
सदरचे सविस्तर वृत्त असे की,”कोपरगाव शहरातील एका सामान्य घरातील वाहन चालकाच्या या सुपुत्राने परिश्रम करून चिकाटीने मेहनत घेऊन भारतीय सैन्यात नोकरी मिळविली आहे.सुलतान सय्यद हे काश्मीर मधील बारामुल्ला विभागात सेवेत कार्यरत आहेत.
वर्तमानात हा जवान सुट्टीवर आलेला आहे.त्यास माजी नगराध्यक्ष वहाडणे यांनी काही वर्षांपूर्वी थोडेसे सहकार्य केले होते.ते लक्षात ठेवून तो सदिच्छा भेटीसाठी आला होता.तो नाही म्हणत असतानांही कोपरगावचा सुपुत्र म्हणून वहाडणे व त्यांच्या सहकाऱ्यांनी त्याचा सत्कार केला आहे. तो कर्तव्यावर असतांना त्यांच्या परिवाराला काही समस्या आल्यास त्यांस त्यांनी सहकार्य करण्याचे आश्वासन दिले आहे.व त्यांस पुढील वाटचालीसाठी शुभेच्छा दिल्या आहे.
सदर प्रसंगी विनायक गायकवाड,प्रभाकर वाणी,गणेश वाणी,सुरेश कांगोणे उपस्थित होते.
