जाहिरात-9423439946
विविध पक्ष आणि संघटना

पक्ष विरोधी कारवाई,प्रहारच्या…या शहराध्यक्षांचे निलंबन..

जाहिरात-9423439946

न्यूजसेवा
कोपरगाव-(प्रतिनिधी)

पक्षविरोधी कार्यवाही केल्याने ‘प्रहार जनशक्ती’ पक्षाचे देवळाली प्रवरा शहराध्यक्ष विजय बाळासाहेब कुमावत यांची पक्षाचे जिल्हाध्यक्ष अभिजीत पोटे यांचे आदेशाने आज निलंबन करण्यात आले असल्याची माहिती श्रीरामपूर विधानसभा मतदार संघाचे अध्यक्ष आप्पासाहेब ढुस यांनी आमच्या प्रतिनिधीस दिली आहे.त्यामुळे श्रीरामपूर,राहुरी तालुक्यात खळबळ उडाली आहे.

“विजय कुमावत यांचे प्राथमिक सदस्यत्व पदावरून निलंबन झाल्याने त्यांचे देवळाली प्रवरा शहराध्यक्ष पद रिक्त झाले आहे.त्यामुळे त्यांनी त्यांच्याकडे असलेले पक्षाचे प्रमाणपत्र,फॉर्म,बॅच आदी सर्व साहित्य तत्काळ देवळाली प्रवरा येथील प्रहार कार्यालयात जमा करावयाचे आहे.तसेच येथून पुढे ‘प्रहार’ नावाने कोणतेही काम त्यांनी करावयाचे नसून ‘प्रहार’ नावाचा व साहित्याचा त्यांनी वापर केल्याचे निदर्शनास आल्यास त्यांचे वर पक्ष नियमाप्रमाणे कारवाई करण्यात येईल”-आप्पासाहेब ढुस,अध्यक्ष,श्रीरामपूर विधानसभा मतदारसंघ.

विधान परिषदेच्या पाच जागांसाठी आज निवडणूक संपन्न झाली असून,नाशिक पदवीधर मतदारसंघात काय घडलंय ? आणि त्यामुळे काँग्रेस आणि महाविकास आघाडीतील राजकारण मोठ्या प्रमाणात ढवळून निघालं होतं हे सगळ्यांनीच पाहिलं आहे.मात्र,या सगळ्यात सर्वांच्या नजरा होत्या,त्या भाजपकडे.अपक्ष निवडणूक लढवत असलेल्या सत्यजित तांबेंनी ना भाजपला पाठिंबा मागितलाय.ना भाजपने सत्यजित तांबेंना जाहीरपणे पाठिंबा दिलाय.मात्र,नेत्यांच्या विधानांतून भाजप नेमकं कुणाच्या बाजूने असणार आहेत,याचे संकेत मिळाले होते.

नाशिक पदवीधर मतदारसंघातून काँग्रेसनं सत्यजित तांबे यांचे वडील सुधीर तांबे यांना उमेदवारी दिली,पण त्यानी अर्ज भरलाच नाही.त्यांच्याऐवजी सत्यजित तांबे यांनी अपक्ष म्हणून उमेदवारी अर्ज दाखल केला होता.महत्त्वाचं म्हणजे इतर चारही मतदारसंघातून निवडणूक लढवत असलेल्या भाजपनं नाशिकमधून मात्र कुणाला उमेदवारी दिली नाही आणि उशिरापर्यंत पाठिंबाही जाहीर केलेला नव्हता.त्यामुळे मोठी उत्सुकता वाढली होती.दरम्यान आदल्या दिवशी मात्र याबाबत पक्षाने याबाबत सर्व अधिकार राज्याचे महसूलमंत्री राधाकृष्ण विखे यांना दिले असल्याचे जाहीर केले होते.त्यामुळे आगामी खेळी अनेकांच्या लक्षात आली होती.भाजप हा विखे यांच्या काठीने साप मारू पाहत असल्याचे उघड झाले होते.
दरम्यान राज्याचे माजी मंत्री बच्चू कडू यांच्या ‘प्रहार’ पक्षाने आपली अधिकृत भूमिका जाहीर केलेली नव्हती तरीही देवळाली प्रवरा येथील त्यांचे पदाधिकारी तथा शहराध्यक्ष विजय कुमावत यांनी थेट शिवसेनेशी संधान बांधल्याचे उघड झाले असल्याची माहिती प्राप्त झाली आहे.त्यामुळे वरिष्ठ पदाधिकारी यांची त्यांच्यावर खप्पा मर्जी झाली होती.त्या नुसार श्रीरामपूर विधानसभा मतदारसंघाचे अध्यक्ष अप्पासाहेब ढूस यांनी वरिष्ठांच्या आदेशाने निलंबन आदेश काढला असल्याचे वृत्त आहे.त्यामुळे राहुरी तालुका आणि श्रीरामपूर विधानसभा मतदार संघात खळबळ उडाली आहे.

आमचे प्रतिनिधीशी बोलताना ढूस यांनी म्हटले आहे की,”जिल्हाध्यक्ष यांचे सूचनेवरून उपरोक्त कारवाई करण्यात आली असून श्री कुमावत हे यापूर्वी वारंवार पक्षाच्या कार्यक्रमांना गैरहजर राहणे,तसेच पक्षाच्या ध्येय धोरणाप्रमाणे सुरू असलेल्या कामांमध्ये सहभाग न घेणे आदी त्यांच्या वारंवार होणाऱ्या चुकांकडे आज पावेतो पक्षाने दुर्लक्ष केले होते.परंतु आज या निवडणूक कार्यक्रमामध्ये त्यांच्याकडून पक्षविरोधी कार्यवाही केल्याचे निदर्शनास होते.”पक्षाच्या विचारांशी व ध्येयधोरणांशी कोणत्याही प्रकारची तडजोड केली जाणार नाही.पक्षाचे नावाला कलंक लागेल अशा पद्धतीचे काम कोणी करत असल्यास त्याची गय केली जाणार नाही.

दरम्यान कुमावत यांच्या निलंबनाने देवळाली प्रवरा शहराध्यक्षपद रिक्त झाल्याने नवीन शहराध्यक्ष पदासाठी आज सायंकाळी सहा वाजता देवळाली प्रवरा येथील प्रहार कार्यालयात पक्षाच्या कार्यकर्त्यांची तातडीची बैठक बोलावली असून त्यामध्ये पुढील शहराध्यक्षांची सर्वांनुमते निवड करण्यात येईल असे ढूस यांनी शेवटी सांगितले आहे.

Related Articles

Leave a Reply

Your email address will not be published. Required fields are marked *

Close