संवत्सर येथे “माझी वसुंधरा अभियान” उत्साहात साजरा

माझी वसुंधरा अभियानांतर्गत सर्वोत्कृष्ट कामगिरी करणारी तीन शहरं,तीन नगरपरिषदा,तीन नगरपंचायती आणि तीन ग्रामपंचायतींना पुरस्कार देण्यात येणार आहेत.सर्वोत्तम कामगिरी करणारे एक विभागीय आयुक्त,तीन जिल्हाधिकारी तसंच तीन जिल्हा परिषदांच्या मुख्य कार्यकारी अधिकाऱ्यांना, बक्षीसं देऊन गौरवण्यात येणार आहे.

मुख्यमंत्री उद्धव ठाकरे यांनी नवीन वर्षात पर्यावरण आणि वातावरणीय बदल विभागातर्फे आयोजित,माझी वसुंधरा ई-शपथ उपक्रमाचा,दूरदृष्यप्रणालीद्वारे शुभारंभ केला आहे.नवीन वर्षात पर्यावरण रक्षण आणि संवर्धनासाठी नागरिकांनी पर्यावरण संवर्धनाची शपथ घ्यावी,यासाठी माझी वसुंधरा डॉट इन,या संकेतस्थळाला भेट द्यावी, ही शपथ घेणाऱ्या व्यक्तीला तत्काळ प्रमाणपत्र उपलब्ध करून दिलं जाणार आहे.नागरिकांनी मोठ्या संख्येने पर्यावरण रक्षणासाठी शपथ घ्यावी,असं आवाहन विभागाकडून करण्यात आलं आहे.या दिनानिमित्त संवत्सर ग्रामपंचायत या ठिकाणी गावातील विविध ठिकाणी श्रमदान करण्यात आले.कार्यकर्ते,ग्रामस्थांच्या सहाय्याने काटेरी वनस्पती काढण्यात आल्या तसेच गटार स्वच्छता व घनकचरा वाहतुकीचे काम करण्यात आले.तर सामाजिक कार्यकर्ते लक्ष्मण साबळे यांनी शपथ वाचन केले आहे.यावेळी उपस्थित जिल्हा परिषद सदस्य राजेश परजणे,माजी उपसरपंच विवेक परजणे,केशवराव भाकरे,कृषी उत्पन्न बाजार समितीचे संचालक भरत बोरणारे,बाळासाहेब गायके,प्राथमिक आरोग्य केंद्राचे वैद्यकीय अधिकारी डॉ.पारखे,सहकारी डॉ.घोरपडे,दिलीप ढेपले,मधुकर साबळे,लक्ष्मण परजणे,लक्ष्मण साबळे,चंद्रकांत लोखंडे,बापू गायकवाड,अविनाश गायकवाड,संजय भाकरे,राजेंद्र निकम,कैलास सोनवणे,किशोर परजणे,बाबा पावडे,सुभाष बिडवे,पन्ना नेहे,सूर्यभान परजणे,नवनिर्वाचित ग्रामपंचायात सदस्य कल्याणी भाकरे,तुषार बाराहाते,संजय भाकरे.रवी भाकरे,जिल्हा परिषद शाळा शिक्षक,अंगणवाडी सेविका,अंगणवाडी मदतनीस,आशा सेविका,ग्रामपंचायत कर्मचारी व बहुसंख्येने ग्रामस्थ उपस्थित होते.