कोपरगावात ..यांची तालुका आढावा बैठक संपन्न

कोपरगाव शहरातील प्रत्येक कुटुंबाची आरोग्य तपासणी सुरु आहे मात्र अनेक नागरिक आरोग्य विभागाच्या कर्मचाऱ्यांना सत्य माहिती सांगत नसल्याचे निदर्शनास आले आहे.त्यासाठी सर्व नगरसेवकांनी आपापल्या प्रभागातील नागरिकांना आरोग्याविषयी वास्तव परिस्थिती सांगण्यासाठी सूचना करून प्रत्येक नागरिकाची तपासणी करून घ्यावी.शहरातील सर्व कुटुंबांसाठी कर्मवीर शंकरराव काळे सहकारी साखर कारखान्याच्या वतीने १७ हजार सॅनिटायझर उपलब्ध करून दिले असून प्रत्येक कुटुंबापर्यंत सॅनिटायझर पोहोचेल याची काळजी घ्यावी.कोपरगाव शहरातील विविध जीवनावश्यक साहित्याच्या दुकानांची वेळ ठरवावी.शासनाकडून रेशनवर आलेले धान्य सर्व लाभार्थ्यांपर्यंत पोहोचते का नाही याची शहरात असलेल्या सर्व रेशन दुकानात जाऊन खात्री करावी.कोपरगाव शहरात शिवभोजन थाळी योजना सुरु करण्यात आली असून आपापल्या प्रभागातील नागरिकांना याची माहिती द्यावी.सर्व प्रभागात स्वच्छता कर्मचारी स्वच्छता करीत असून नगरसेवकांनी आपल्या प्रभागातील नागरिकांना स्वच्छता ठेवण्यासाठी आवाहन करावे असे आवाहन त्यांनी केले.