..या पतसंस्थेच्या वतीने कोविड योद्ध्यांचा सन्मान

अजूनही सर्वांनी जबाबदारीने सामाजिक अंतर पाळुन मुखपट्यांचा वापर सातत्याने काळजीपूर्वक करणे गरजेचे आहे.आम्ही आमचे कर्तव्य पार पाडले मात्र या कठीन काळात परमेश्वराने वैद्यकीय क्षेत्रातील आमच्या बरोबरच सर्व सामान्य माणसाला सुरक्षित ठेवले महामारीचा उद्रेक झाला नाही.भविष्यात अजून काही काळ काळजी घेणे गरजेचे आहे-डॉ.डी.एम.दरंदले

कोपरगाव तालुक्यात एकूण बाधित रुग्णांची संख्या ०२ हजार १५४ इतकी झाली आहे.त्यात ३२ रुग्ण सक्रिय आहेत,तर आज पर्यंत ३७ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.७१ टक्के आहे.आतापर्यंत १२ हजार ३२५ जणांचे श्राव तपासले आहेत यातून बाधित रुग्णांचा दहा लाखाला ४९ हजार ३०० इतका आढळला आहे.तर बाधित रुग्ण दर १७.४७ असा आढळला आहे.आता रुग्णसंख्या बऱ्याच कमी प्रमाणात आढळत आहे.या पार्श्वभूमीवर कोरोना योद्धयांचा भूमिका महत्वाची ठरली आहे.हे सांगण्यास कोणा ज्योतिषाची गरज नाही.या योगदानाची दखल साई श्रद्धा पतसंस्थेच्या संचालक मंडळाने घेतली असून या कोरोना योद्धयांचा सत्कार करण्याचा स्तुत्य उपक्रम नुकताच घेतला आहे.त्या वेळी कार्यक्रमाच्या अध्यक्षस्थानी जेष्ठ नेते रामेश्वर दुध उत्पादक संस्थेचे अध्यक्ष नामदेवराव जाधव होते.
यावेळी पंचायत समिती सदस्य मधुकरराव टेके,सभासद उज्वला कानडे,डॉ.सर्जेराव टेके,डॉ.सुजित तांबे,डॉ.सचिन दरेकर,औषध निर्माता संजय पाखले,विशाल सांगळे,राहुल कहार,सतिश गायकवाड,रावसाहेब वाघ,अमित काबरा,माजी उपसरपंच बाबासाहेब शिंदे,फकीर टेके,कृष्णराव जाधव, गौतम डोशी,बच्चू गायकवाड,बाळासाहेब नेवगे,माजी पं.स सदस्य दिवाकर निळे आदी मान्यवर उपस्थित होते.