भास्करराव गुंड यांचे निधन

न्यूजसेवा

संवत्सर- (प्रतिनिधी)

   कोपरगांव तालुक्यातील संवत्सर,लक्ष्मणवाडी परिसरातील शेतकरी व ज्येष्ठ कार्यकर्ते भास्करराव नामदेवराव गुंड यांचे बुधवार दि. १७ सप्टेंबर  रोजी सायंकाळी ७.४५ वाजता वृध्दापकाळाने निधन झाले आहे.मृत्यूसमयी ते ८५ वर्षांचे होते.संवत्सर येथे गोदावरी काठावरील अमरधामध्ये गुरुवारी सकाळी त्यांच्यावर अंत्यसंस्कार करण्यात आले.यावेळी मोठा जनसमुदाय यावेळी उपस्थित होता.

  कै.भास्करराव गुंड यांनी अत्यंत प्रतिकूल परिस्थितीत त्यांनी मुलांचा सांभाळ करुन मुलांना स्वतःच्या पायावर उभे केले.स्पष्टवक्ते म्हणुन संवत्सर आणि पंचक्रोशीत परिचित होते.

   त्यांच्यामागे गोदावरी खोरे सहकारी दूध संघातील कर्मचारी ज्ञानेश्वर गुंड व लहानू गुंड ही दोन मुले,सुना,नातवंडे असा मोठा परिवार आहे.कै.भास्करराव गुंड याच्या अंत्यविधीसमयी संवत्सर ग्रामपंचायतीच्या सरपंच सुलोचना ढेपले,उपसरपंच विवेक परजणे,लक्ष्मणराव साबळे,पत्रकार शिवाजी गायकवाड यांच्यासह गोदावरी दूध संघातील पदाधिकारी,कर्मचारी व ग्रामस्थ उपस्थित होते.

   दरम्यान गोदावरी दूध संघाचे अध्यक्ष राजेश परजणे,पंचायत समितीचे माजी सदस्य कृष्णराव परजणे यांनी स्व.भास्करराव गुंड यांच्या निधनाबद्दल शोक व्यक्त केला आहे.