गुन्हे विषयक
मतदानानंतर मोठी रक्कम जप्त ! विविध चर्चांना उधाण
न्युजसेवा
कोपरगाव-(प्रतिनिधी)
अहील्यानगर जिल्ह्यात एका राज्य परिवहन मंडळाच्याची बसच्या सीटखाली प्रवाशाला नोटांचा बंडल आढळून आल्याची आश्चर्यकारक घटना उघडकीस आली आहे.त्यात ५०० रुपयांच्या नोटांचे दोन बंडल त्याची रक्कम ८६ हजार रूपये सापडल्याने प्रवाशांमध्ये एकच खळबळ उडाली आहे.
कोपरगाव विधानसभा मतदार संघाच्या मतदानाच्या दुसऱ्या दिवशी चक्क एस.टी बसमध्ये मोठी रक्कम मिळून आल्याने उलट सुलट चर्चेला उधाण आहे.तसेच,ही रक्कम नेमकी कोणाची आहे.त्याबाबत विविध तर्क कुतर्कांना उधाण आले आहे.
अहील्यानगर जिल्ह्यातील कोपरगाव येथील ही घटना असून एस.टी.आगार व पोलिसांकडून घटनेचा तपास सुरू करण्यात आला आहे.या बसमधून प्रवास करणाऱ्या एका युवकाने मनाचा मोठेपणा आणि प्रामाणिकपणा जपत बसमधील वाहकाकडे नोटांचे हे दोन्ही बंडल सुपूर्द केले असल्याची माहिती हाती आली आहेत.
मतदानाच्या दुसऱ्या दिवशी चक्क एस.टी बसमध्ये मोठी रक्कम मिळून आल्याने उलट सुलट चर्चेला उधाण आहे.तसेच,ही रक्कम नेमकी कोणाची आहे.त्याबाबत विविध तर्क कुतर्कांना उधाण आले आहे.
दरम्यान सदर रक्कम नेमकी कोणत्या कामासाठी ही रक्कम बसमधून नेण्यात येत होती याचाही तपास करण्यात येणार आहे.
विशेष म्हणजे मतदानच्या एक दिवस अगोदर, दोन दिवसांपूर्वी हीच बस स्ट्रॉंग रुमपासून ईव्हीएम आणि कर्मचाऱ्यांना घेऊन मतदान केंद्रावर गेली होती.त्यानंतर काल याच बसने कोपरगाव -वैजापूर-कोपरगाव अशा फेऱ्या केल्या आहेत.काल सायंकाळी कोपरगावहून धामोरीकडे जात असताना बसमधील एका विद्यार्थ्याला शेवटच्या सीटखाली नोटांचे दोन बंडल सापडले आहेत.या दोन्ही बंडलमधील नोटांची बेरीज केली असता तब्बल ८६ हजारांची रोख रक्कम सापडल्याचे पाहायला मिळत आहे.एवढी मोठी रक्कम नेमकी कुणाची आणि बसच्या सीटखाली कशी आली ? याबाबत पोलीस तपासात सर्व गोष्टी निष्पन्न होतील.सध्या बस मधील वाहकाकडून ही रक्कम संबंधित तपास यंत्रणेकडे देण्यात आली असल्याची माहिती आहे.
