गोळीबार प्रकरण,चार आरोपींची पोलीस कोठडी तर अन्य न्यायालयीन कोठडीत

न्युजसेवा

कोपरगाव -(नानासाहेब जवरे)

कोपरगाव शहरात दिनांक 19 सप्टेंबर रोजी झालेल्या गोळीबार प्रकरणी शहर पोलिसांनी दोन्ही गटाच्या तब्बल नऊ जणांवर गुन्हा दाखल केला असून त्यातील पहिसल्या गुन्ह्यातील अटक आरोपी दादा मोरे,राहता,रवी बनसोडे,अमर भोसले,लोणी,बाळू पगारे,शिंगवे,रवी बनसोडे रा.श्रीरामपूर आदीना आज कोपरगाव येथील सहदिवाणी न्यायधिश वरिष्ठ स्तर  न्या.भगवान पंडित यांनी न्यायालयीन कोठडी तर दुसऱ्या गटातील आरोपी नाजिम शेख,एजाज मणियार,सांगर मंजुळ,अजहर शेख आदींना गुन्ह्यातील हत्यार कुठून उपलब्ध केले याचा तपास होणे बाकी असल्याने त्यांना एक दिवसांची पोलीस कोठडी सुनावली आहे.गुन्ह्यातील दोन गाड्या आणि दोन्ही गटातील दोन गावठी कट्टे पोलिसांनी जप्त केले आहे.

   

कोपरगाव येथील आरोपी तन्वीर रंगरेज हा मुंबई येथील जे.जे.हॉस्पिटल येथे शस्त्रक्रिया करण्याच्या आली असून त्याच्या शरीरातून दोन गोळ्या काढण्यात आल्या आहेत आता तो धोक्याच्या बाहेर असल्याची विश्वसनीय माहिती आहे.त्याचा जबाब महत्त्वपूर्ण ठरणार असून तो अद्याप बाकी आहे.त्यात अनेक खुलासे व अन्य आरोपींची नावे उघड होणार आहे.यात रेशन घोटाळ्यातील अनेक प्रतिष्ठित व्यापारी असल्याची माहिती आहे.

   कोपरगाव शहरात अलीकडील काळात गुन्हेगारी मोठ्या प्रमाणावर वाढली आहे.त्यामुळे सामान्य माणसाला जीव मुठीत धरून जगण्याची नामुष्की ओढवली असल्याचे दिसून येत आहे.त्यावरून वर्तमानात सोमवार दि.09 सप्टेंबर व त्या पाठोपाठ 19 सप्टेंबर 2024 रोजी सायंकाळी पाच वाजेच्या सुमारास स्वामी समर्थ मंदिरासमोर एकमेकांविरुद्ध थेट गोळीबार करण्याची धक्कादायक घटना घडली होती.त्यातील एक आरोपी तनवीर रंगरेज हा गंभीर जखमी झाला असून त्याच्या पोटात आणि छातीत दोन गोळ्या शरीरात आढळलेल्या असून त्याच्यावर मुंबई येतील जे.जे.हॉस्पिटल येथे शस्त्रक्रिया करण्याच्या आली असून त्याच्या शरीरातून दोन गोळ्या काढण्यात आल्या आहेत आता तो धोक्याच्या बाहेर असल्याची विश्वसनीय माहिती आहे.त्याचा जबाब महत्त्वपूर्ण ठरणार असून तो अद्याप बाकी आहे.त्यात अनेक खुलासे व अन्य आरोपींची नावे उघड होणार असल्याचे बोलले जात आहे तर श्रीरामपूर येथील टोळीतील एक आरोपी शाहरुख शेख अद्याप फरार आहे.त्याचा कोपरगाव शहर पोलिस शोध घेत आहेत.या टोळीवर सुमारे दहा ते पंधरा गुन्हे दाखल असून हे सराईत गुन्हेगार असल्याची माहिती उपलब्ध झाली आहे.त्यामुळे त्यांना न्यायालयात आणताना शहर पोलिस दक्षता घेताना आढळून आले आहे.

दरम्यान कोट्यवधीच्या या रेशन घोटाळ्यात कोपरगाव शहरातील अनेक प्रतिष्ठित व्यापारी,काही दोन्ही राजकीय गटांचे कार्यकर्ते,सहभागी असून त्यांच्यावर पोलिस अधिकारी कोणती कारवाई करणार याबाबत शहरातील नागरिकांचे लक्ष लागून आहे.दरम्यान घोटाळ्यातील तांदूळ हा थेट गुजरात राज्यात जात असून तेथे तो दारू बनविणाऱ्या कारखान्यात धाडला जात असल्याची माहिती आहे.
यात सत्ताधारी आणि विरोधी गटाचे अनेक मोहरे पडण्याची भीती व्यक्त होत आहे.त्यामुळे दोन्ही गटाकडून यावर माती टाकण्याची शक्यता वर्तविण्यात येत आहे.