नगर-मनमाड मार्गावर अपघात,दोन जखमी,वाहनाचे नुकसान

जाहिरात-9423439946

न्युजसेवा

कोपरगाव-(प्रतिनिधी)
  

  कोपरगाव शहरानजीक असलेल्या अहिल्यानगर-मनमाड रोड वरील गोदावरी नदीवरील मोठ्या पुलावर स्कॉर्पिओ जिप (क्रं.एम.एच.१६ डी.जी.२६६६)व स्कोडा कार (क्रं.एम.एच.४३ बी.ई.२०८०) ही दोन वाहने समोरा समोर धडकल्याने भीषण अपघात झाला असून यात दोन जण जखमी झाल्याची प्राथमिक माहिती मिळत आहे.दोन्ही जखमींना पुढिल उपचारासाठी रुग्णालयात हलविण्यात आले आहे.या अपघातात दोन्ही वाहनांचे मोठे नुकसान झाले असल्याची माहिती मिळाली आहे.

   वर्तमानात नगर-मनमाड या महामार्गाचे काम धीम्या गतीने व गेल्या तीन वर्षापासून सुरू आहे.त्यामुळे हा रस्ता मोठ्या प्रमाणावर नादुरुस्त आहे.त्याला कोणी वाली आहे की नाही अशी स्थिती आहे.त्यामुळे अपघातांचे प्रमाण वाढले आहे.त्यातले त्यात पुणतांबा फाटा ते गोदावरी नदीच्या मोठ्या पुलापर्यंत तर रस्त्यावरून प्रवास करणे खुपच जिकरीचे होत आहे.संबधित ठेकेदार हा साधे रस्त्याचे खड्डे बुजविण्याचे तसदी घेत नाही उलट माती टाकून खड्डे बुजवताना दिसत आहे.त्यामुळे वाहन धारकांच्या चिंतेत आणखी भर पडताना दिसत आहे.परिणामी या रस्त्यावर मोठ्या प्रमाणावर अपघात होताना दिसत आहे.असाच एक अपघात साईबाबा कॉर्नर जवळ आज दुपारच्या सत्रात घडला असून यातील महिंद्रा स्कॉर्पिओ व एक कार यांच्यात समोरासमोर जोरदार धडक झाली होती.त्यात दोन जण गंभीर जखमी झाले असल्याचे समजत आहे.मात्र त्याला उपचारार्थ कोठे भरती केले व त्यांची नावे व गावे काय आहेत याची माहिती मिळाली नाही.

   दरम्यान या दोन वाहनांच्या अपघाताने सदर नगर-मनमाड महामार्गावर दुतर्फा तब्बल एक तासपासून वाहनांच्या रांगाचा रांगा लागल्या होत्या.सदरची माहिती मिळाल्यानंतर कोपरगाव शहर पोलीस ठाण्याचे पोलिस निरीक्षक भगवान मथुरे यांच्या मार्गदर्शनाखाली वाहतूक पोलिस पोलीस हेड कॉन्स्टेबल दिगंबर शेलार,पोलीस हेड कॉन्स्टेबल एकनाथ लिंबोरे यांनी घटनास्थळी तात्काळ धाव घेत अपघात झालेली वाहने क्रेनच्या सहाय्याने हटवत वाहतूक सुरळीत केली आहे.दरम्यान या प्रकरणी कोणत्याही गुन्हा शहर पोलीस ठाण्यात दाखल झालेला नसून पुढील तपास शहर पोलिस करत आहे.