पर्यटन व तीर्थक्षेत्र
…या नेत्याने घेतले साई दर्शन !
न्युजसेवा
कोपरगाव -(प्रतिनिधी)
राष्‍ट्रीय स्‍वयंसेवक संघाचे सरसंघचालक मोहन भागवत यांनी शिर्डीत येऊन श्री साईबाबांच्या समाधीचे दर्शन घेतले आहे.दर्शनानंतर श्री साईबाबा संस्‍थानच्‍या वतीने मुख्‍य कार्यकारी अधिकारी गोरक्ष गाडीलकर (भा.प्र.से.) यांनी त्‍यांचा सत्‍कार केला आहे.यावेळी उप मुख्‍य कार्यकारी अधिकारी भिमराज दराडे व जनसंपर्क अधिकारी दिपक लोखंडे आदी उपस्थित होते.
दरम्यान उत्तर भारतात काही हिंदुत्ववादी कार्यकर्ते शिर्डीतील श्री साईबाबांना वादग्रस्त ठरवत असताना मोहन भागवत यांची शिर्डी येथे येऊन श्री साईबाबांचे दर्शन घेणे यास वेगळे महत्व प्राप्त झाले आहे.
राष्‍ट्रीय स्‍वयंसेवक संघाचे सरसंघचालक मोहन भागवत यांनी श्री साईबाबांच्या समाधीचे दर्शन घेतल्‍यानंतर शेरेबुकात खालीलप्रमाणे अभिप्राय नोंदवला असून त्यात त्यांनी सन -१८५७ च्या स्वातंत्र्य युद्धानंतर भारताच्या नवोत्‍थानाचा पाया या नात्याने भारतभर समाजाचे प्रबोधन-अध्यात्म तत्त्व आणि व्यवहार या मूलभूत घटकाचे ज्या ईश्वरीय योजनेने झाले त्याचा एक भाग म्हणजे शिर्डीचे साईबाबा होत,देह त्यागानंतरही त्यांची तपस्या अनेकांना वरील दृष्टीने पथदर्शक ठरते ही प्रचिती आहे अशा श्री बाबांच्या समाधी मंदिराचा नित्य कार्ये विकास व त्याचे नित्य उत्तम व्यवस्थापन करणाऱ्या सर्व कार्यकर्ता मंडळींचे मनापासून कृतज्ञतापूर्वक धन्यवाद म्हंटले आहे.
दरम्यान उत्तर भारतात काही हिंदुत्ववादी कार्यकर्ते शिर्डीतील श्री साईबाबांना वादग्रस्त ठरवत असताना मोहन भागवत यांची शिर्डी येथे येऊन श्री साईबाबांचे दर्शन घेणे यास वेगळे महत्व प्राप्त झाले आहे.त्याबाबत त्यांचे श्री साईभक्तांनी कौतुक केले आहे.
