पर्यटन व तीर्थक्षेत्र
…येथील रामनवमी उत्सवाची सांगता !
न्युजसेवा
कोपरगाव-(प्रतिनिधी)
शिर्डी येथील श्री साईबाबा संस्थान विश्वस्तव्यस्थेच्या वतीने सोमवार दिनांक ०५ एप्रिल पासून सुरु असलेल्‍या श्री रामनवमी उत्सवाची सांगता आज ह.भ.प.विक्रम नांदेडकर, गोरटे यांच्या काल्याच्या किर्तनानंतर दहिहंडी फोडुन झाली आहे.
शिर्डीत आज सायं. ०७.०० ते ०९.३० वा. यावेळेत मिराज इव्‍हेंटस्,मुंबई यांचा साई भजनसंध्‍या कार्यक्रम होईल.उत्सव कालावधीत पार पडलेल्‍या सर्व कार्यक्रमांना श्रोत्‍यांकडून उत्‍स्‍फुर्त प्रतिसाद मिळाला.रात्रौ १०.०० वाजता श्रींची शेजारती होणार असल्याची माहिती संस्थानने दिली आहे.
आज उत्सवाच्या सांगता दिनी सकाळी ०६.५० वाजता संस्थानचे उप मुख्‍य कार्यकारी अधिकारी भिमराज दराडे व त्यांच्या सुविद्य पत्नी सौ. वैशाली दराडे यांनी समाधी मंदिरात श्रींची पाद्यपुजा केली.सकाळी ७.०० वा गुरुस्‍थान मंदिरात श्री साईबाबा संस्थानचे मुख्‍य कार्यकारी अधिकारी गोरक्ष गाडीलकर व त्यांच्या सुविद्य पत्नी सौ. वंदना गाडीलकर यांनी रुद्राभिषेक पूजा केली.श्री रामनवमी उत्सवाच्या सांगता दिनी श्री साईबाबा समाधी शताब्‍दी मं‍डपाच्‍या स्टेजवर सकाळी १० ते १२ यावेळेत ह.भ.प.विक्रम महाराज नांदेडकर,गोरटे यांचा काल्याच्या कीर्तनाचा कार्यक्रम संपन्न झाला.कीर्तनानंतर समाधी मंदिरात श्री साईबाबांचे समकालीन भक्‍त तात्‍या पाटील कोते यांचे वंशज परीवारातील सदस्‍य पारेश्‍वर बाबासाहेब कोते यांच्या हस्‍ते दहिहंडी फोडण्यात आली आहे.
यानंतर किर्तनकार महाराज यांचा श्री साईबाबा संस्थानचे मुख्‍य कार्यकारी अधिकारी गोरक्ष गाडीलकर यांनी सत्‍कार केला.यावेळी उप मुख्‍य कार्यकारी अधिकारी भिमराज दराडे,प्रशासकिय अधिकारी संदीपकुमार भोसले,मंदिर प्रमुख विष्‍णु थोरात,जनसंपर्क अधिकारी तुषार शेळके,मंदिर पुजारी,शिर्डी ग्रामस्थ व साईभक्त मोठ्या संख्येने उपस्थित होते.त्‍यानंतर १२.१० वाजता श्रींची माध्‍यान्‍ह आरती झाली.हनुमान मंदिरा शेजारील श्री साईबाबा समाधी शताब्‍दी मंडपातील स्टेजवर दुपारी ०१ ते ०३ वा. यावेळेत द गोल्‍डन व्‍हॉईस स्‍टुडीओज,मुंबई यांचा साईभजन संध्‍या कार्यक्रम,दुपारी ०३.३० ते ०५.३० वा. यावेळेत श्रीम. पुजा राठोर,जयपुर यांचा साईभजन संध्‍या कार्यक्रम,सायंकाळी ०६.३० वा.श्रींची धुपारती झाली.सायं. ०७.०० ते ०९.३० वा. यावेळेत मिराज इव्‍हेंटस्,मुंबई यांचा साई भजनसंध्‍या कार्यक्रम होईल.उत्सव कालावधीत पार पडलेल्‍या सर्व कार्यक्रमांना श्रोत्‍यांकडून उत्‍स्‍फुर्त प्रतिसाद मिळाला. रात्रौ १०.०० वाजता श्रींची शेजारती होईल.
हा उत्सव यशस्वीरित्या पार पाडण्यासाठी संस्थानचे अध्‍यक्ष तथा प्रधान जिल्‍हा न्‍यायाधीश श्रीमती अंजु शेंडे (सोनटक्‍के),तदर्थ समितीचे सदस्‍य तथा जिल्‍हाधिकारी डॉ पंकज आशिया व मुख्‍य कार्यकारी अधिकारी गोरक्ष गाडीलकर,उप मुख्‍य कार्यकारी अधिकारी भिमराज दराडे यांच्या मार्गदर्शनाखाली प्रशासकीय अधिकारी संदिपकुमार भोसले,प्रज्ञा महांडुळे-सिनारे,विश्‍वनाथ बजाज,मुख्‍य लेखाधिकारी मंगला वराडे,वैद्यकीय संचालक डॉ.शैलेश ओक,कार्यकारी अभियंता भिकन दाभाडे,संरक्षण अधिकारी रोहीदास माळी, सर्व विभागप्रमुख व कर्मचारी यांनी विशेष परिश्रम घेतले आहे.
