समृद्धी महामार्गावर अपघात,दोन ठार दोन जखमी

न्यूजसेवा
कोपरगाव-(प्रतिनिधी)समृद्धी महामार्गावर अपघाताची मालिका सुरूच असून महामार्गाचे लोकार्पण झाल्यानंतर ११ डिसेंबर नंतर अपघातांची मालिका सुरूच असून आज दुपारी १२.३० वाजेच्या सुमारास कोपरगाव तालुक्यातील कोकमठाण शिवारात आज मारुती व्हिटारा ब्रिझा या कारला (क्रमांक एम.एच.४९ बी.बी.६६२०) राखाडी रंगाच्या कारला अपघात होऊन त्यात राजेश राजाराम रहाते (वय-५२) यांचे जागीच तर अलका गणेश वाळूजकर (व्य-४२) यांचे उपचार सुरु असताना निधन झाले आहे.तर लीना राजेश रहाते (वय-११),अवंतिका गणेश वाळूजकर (वय-१६) या दोन मुली गंभीर जखमी झाल्या आहेत.त्यामुळे सर्वत्र हळहळ व्यक्त होत आहे.

दरम्यान त्यांना कोपरगाव नजीक असलेल्या संत जनार्दन स्वामी हॉस्पिटल येथे उपचार सुरु असल्याची माहिती तेथील व्यवस्थापक सचिन जाणवेकर यांनी आमच्या प्रतिनिधीस दिली आहे.याबाबत गाडीचा क्रमांक एम.एच.४९ बी.बी.६६२० असा आहे.कोपरगाव शहर पोलीस ठाण्यात गुन्हा दाखल करण्याचे काम सुरु असल्याची माहिती पोलीस सूत्रांनी दिली आहे.