गुन्हे विषयक
दुकान फोडले,मोठा ऐवज लंपास,कोपरगावात गुन्हा दाखल
न्यूजसेवा
कोपरगाव-(प्रतिनिधी)
कोपरगाव तालुक्यातील सुरेगाव ग्रामपंचायत हद्दीत रहिवासी असलेले व्यापारी श्रीधर दत्तू कदम (वय-५५) यांचे आटोमोबाईलचे दुकान अज्ञातच चोरट्याने पाळत ठेवून फोडले असून त्यातील विविध कंपन्यांचे ऑईल सह ६१ हजार ९०० रुपयांचा ऐवज दुकान फोडून लंपास केला आहे.या प्रकरणी कोपरंगाव तालुका पोलीस ठाण्यात गुन्हा दाखल केला असून सुरेगाव परिसरात व्यापाऱ्यांत भीतीचे वातावरण पसरले आहे.
फिर्यादी श्रीधर कदम यांनी कोपरगाव शहर पोलीस ठाण्यात याबाबत खबर दिली असून अज्ञात आरोपी विरुद्ध गुन्हा दाखल केला आहे.घटनास्थळी पोलीस निरीक्षक जाधव,सहाय्यक पोलीस निरीक्षक सुरेश आव्हाड आदींनी भेट दिली आहे.
सदरचे सविस्तर वृत्त असे की,”फिर्यादी हे सुरेगाव येथील रहिवासी असून त्यांचा त्याच गावातील एका व्यापारी संकुलात आटोमोबाईलच्या व्यापारासाठी गाळा आहे.सोमवार दि.१२ डिसेंबर रोजी ते आपला नियत व्यवसाय आटोपून आपल्या दुकानाला कुलूप लावून घरी गेले असता व दुसऱ्या दिवशी सकाळी ते ०८.३० वाजेच्या सुमारास आले असता त्या ठिकाणी त्यांचे दुकान फोडले आढळले होते.
त्यांनी आपल्या दुकानातील माल तपासाला असता त्यांना त्यातील १ हजार ५०० रुपये किमतीचे एक विडॉल एक लिटरचे पाच ऑईल डबे,०६ हजार ५०० रुपये किमतीचे कॅष्ट्रोल १५४० कंपनीचे प्रत्येकी ३ लिटरचे ८ ऑईल डबे,१७ हजार किमतीचे कॅष्ट्रोल २०४० कंपनीचे ३.५०० लिटरचे १६ ऑईल पॅक डबे,२२ हजार किमतीचे कॅष्ट्रोल २०४० कंपनीचे ०५ लिटरचे १६ ऑईल पॅक डबे,०४ हजार ५०० किमतीचे कॅष्ट्रोल २०४० कंपनीचे ०१ लिटरचे १५ ऑईल पॅक डबे,०५ हजार ९०० किमतीचे कॅष्ट्रोल २०४० कंपनीचे ०१ लिटरचे १५ ऑईल पॅक डबे,०३ हजार किमतीचे सिपोंन १५४० कंपनीचे ०१ लिटरचे १० ऑईल पॅक डबे,०१ हजार ५०० किमतीचे सिपोंन १५४० कंपनीचे ०१ लिटरचे ०५ ऑईल पॅक डबे,असा एकूण ६१ हजार ९०० रुपये किमतीचा ऐवज लुटून नेला असल्याचे निदर्शनास आले आहे.त्यांनी याबाबत कोपरगाव तालुका पोलीस ठाण्यात धाव घेतली होती.
कोपरगाव शहर पोलीस ठाण्यात याबाबत खबर दिली असून अज्ञात आरोपी विरुद्ध गुन्हा दाखल केला आहे.घटनास्थळी पोलीस निरीक्षक जाधव,सहाय्यक पोलीस निरीक्षक सुरेश आव्हाड आदींनी भेट दिली आहे.
या प्रकरणी कोपरगाव तालुका पोलीसांनी या बाबत आपल्या दप्तरी गुन्हा क्रं.५०५/२०२२ भा.द.वि.कलम ४६१,३८० प्रमाणे दाखल केला आहे.पुढील तपास शहर पोलीस निरीक्षक दौलतराव जाधव यांचे मार्गदर्शनाखाली पो.हे.कॉ.निजाम शेख हे करीत आहेत.
