गुन्हे विषयक
पिस्तुल गाडीत ठेवून महिलेचा विनयभंग,कोपरगावात गुन्हा
न्यूजसेवा
कोपरगाव-(प्रतिनिधी)
कोपरगाव शहराच्या उत्तरेस साधारण आठ-दहा कि.मी.अंतरावर असलेल्या ग्रामपंचायत हद्दीत रहिवासी असलेल्या फिर्यादी महिला व आरोपी यांच्या व्यावसायिक कारणातून वाद होऊन त्याने तिला दम देऊन तिच्या गाडीत पिस्तूल ठेऊन तिला गुंतविण्याची धमकी देऊन तिचा विनयभंग केल्या प्रकरणी कोपरगाव तालुका पोलीस ठाण्यात गुन्हा दाखल केला आहे.त्यामुळे तालुक्यात खळबळ उडाली आहे.
दोन्ही संकल्पितच छायाचित्र.
दरम्यान कोपरगाव तालुका पोलिसांनी या घटनेतील आरोपीच्या मुसक्या आवळल्या असून फिर्यादीच्या गाडीत ठेवलेले अनधिकृत पिस्तूल जप्त केले आहे.त्यामुळे त्या परिसरातील नागरिकांनी समाधान व्यक्त केले आहे.व तालुक्यात अनधिकृत हत्यार बाळगणाऱ्या प्रवृत्तीस चाप लावण्याची मागणी केली आहे.
सदरचे सविस्तर वृत्त असे की,कोपरगाव तालुक्याच्या उत्तर साधारण आठ-दहा कि.मी.अंतरावर असलेली फिर्यादी महिला व आरोपी यांच्यात एकत्र येऊन सामायिक हॉटेल चालविण्याचे सहा महिन्या पासून ठरले होते.मात्र अलीकडील काळात दोघांत काही कारणाने बिनसले होते.त्यातून आरोपी हा फिर्यादीच्या घरी हा वाद शुक्रवार दि.१४ ऑक्टोबर रोजी पहाटेच्या सुमारास झाला होता.त्यावेळी त्याने सदर महिलेला मारहाण केली असून तिचा विनयभंग केला आहे.व तिच्या चार चाकी गाडीत एक पिस्तूल ठेवून,”तुला पोलिसांत गुंतवून टाकतो व पोलिसांकडून शिक्षा देतो” असे म्हणून असा दम दिला आहे.फिर्यादी महिलेच्या हातातील भ्रमणध्वनी हिसकावून घेतला व तिंचा विनयभंग केला आहे.या प्रकरणी फिर्यादी महिला घाबरून गेली असून तिने या बाबत कोपरगाव तालुका पोलिसांत धाव घेऊन आरोपी विरुद्ध गुन्हा दाखल केला आहे.
कोपरगाव तालुका पोलिसांनी या प्रकरणी आपल्या दप्तरी आरोपी इसमाविरुद्ध गु.नोंद क्रं.३९७/२०२२ भा.द.वि.कलम ३५४,३२७,३२३,५०४,५०६, आर्म ऍक्ट ३(२५) अन्वये काल रात्री गुन्हा दाखल केला आहे.
दरम्यान कोपरगाव तालुका पोलिसांनी आरोपीच्या मुसक्या आवळल्या असून फिर्यादीच्या गाडीत ठेवलेले अनधिकृत पिस्तूल जप्त केले आहे.त्यामुळे त्या परिसरातील नागरिकांनी समाधान व्यक्त केले आहे.व तालुक्यात अनधिकृत हत्यार बाळगणाऱ्या प्रवृत्तीस चाप लावण्याची मागणी केली आहे.
या प्रकरणी पुढील तपास पोलीस निरीक्षक दौलतराव जाधव यांच्या मार्गदर्शनाखाली सहाय्यक फौजदार महेश कुसारे हे करीत आहेत.
