आरोग्य
कोपरगावात आजही कोरोना रुग्ण वाढ !
जनशक्ती न्यूजसेवा
कोपरगाव-(प्रतिनिधी)
राज्यात कोरोना रुग्ण वाढीमुळे पुन्हा टाळेबंदी करण्याकडे आठ दिवसांची मुदत राज्याच्या मुख्यमंत्र्यांनी जाहीर केली असताना कोपरगाव तालुक्यातही मोठ्या संख्येने रुग्णवाढ सुरु झाली असून आजही कोपरगावात ०९ रुग्ण वाढले असल्याची माहिती कोपरगाव ग्रामीण रुग्णालयाचे प्रभारी वैद्यकीय अधिकारी डॉ.विजय गणबोटे यांनी आमच्या प्रतिनिधींशी बोलताना दिली आहे.त्यामुळे नागरिकांत भीतीचे वातावरण पसरले आहे.
राज्यात कोरोनाची रुग्णसंख्या झपाट्याने वाढत आहे.गेल्या चोवीस तासांमध्ये देशात १४ हजार रुग्ण सापडले असून त्यापैकी ०७ हजारांहून अधिक रुग्ण हे एकट्या महाराष्ट्रातील आहेत.या पार्श्वभूमीवर राज्यात बंदोबस्त कडक केला आहे.राज्यातील अनेक मंदिरं आणि शहरे रात्रीची बंद करण्यात येत आहेत.त्यामुळे पुन्हा एकदा नागरिकांत भीतीचे वातावरण पसरले आहे.
कोपरगाव तालुक्यात गत दोन दिवसात २९ कोरोनाचे रुग्ण वाढलेले आहे.व हि वाढ रोखण्याचे आवाहन कोपरगाव तालुक्यातील महसूल व आरोग्य यंत्रणेपुढे निर्माण झाले आहे.त्या मुले आज तातडीने आ.आशुतोष काळे यांनी बैठकीचे आयोजन केले होते.व पोलीस प्रशासनास कडक कारवाईचे आदेश दिले आहे.त्या आधीच पोलिसांनी विना मुखपट्यांचा नागरिकांवर कारवाईचा बडगा उगारला आहे.व जवळपास बारा हजारांचा दंडात्मक महसूल गोळा केला आहे.त्यामुळे अनेकांनी आपल्या मुखमंडलावर मुखपट्या चढवल्याचे दिसत होते.दरम्यान आज आलेल्या अहवालात आणखी ०९ रुग्णांची भर पडली आहे.त्यात कोपरगाव शहरातील तीन पुरुष वय-४९,३८,२४,तर तीन महिला वय-६४,२५,५२ यांचा समावेश आहे.यातील तीन रुग्ण निवारा,दत्तवाडी,साई मंदिर परिसरातील असल्याची माहिती होतो आली आहे.तर उर्वरित रुग्णांचा पत्ता कोपरगाव असा नोंदविण्यात आला आहे.
तर ग्रामीण भागात पोहेगाव एक महिला वय-५२,सुरेगाव एक पुरुष वय-६३,गोधेगाव पुरुष वय-७२ आदींचा समावेश आहे.आज नगर येथून आलेल्या अहवालात ०४ रुग्ण तर रॅपिड टेस्ट मध्ये ०५ रुग्ण बाधित आढळले आहे.आज एकूण नगर येथे २८ श्राव पाठविण्यात आले आहे.त्यात आज अखेर ५२ रुग्ण सक्रिय असल्याची माहिती डॉ.विजय गणबोटे यांनी दिली आहे.
