कोपरगावात आजही चार जणांचा कोरोनाने मृत्यू,तपासणी साहित्याचा मोठा अभाव

राज्यात कोरोनाचा कहर दिवसेंदिवस वाढताना दिसत आहे.त्यात रोज हजारो कोरोनाच्या रुग्णांची भर पडत आहे.त्याला कोपरगाव शहर व तालुकाही अपवाद नाही.कोपरगावातून आज आलेल्या अहवालात नगर येथे १६५ श्राव तपासणीसाठी पाठवले असून आर.टी.पी.सी.आर.तपासणीत ३२ अँटीजन तपासणीत ८७,खाजगी प्रयोग शाळा तपासणीत ३४ असे एकूण अहवालात एकूण १५३ रुग्ण बाधित आढळले आहे.तर १६५ जणांना उपचारानंतर सोडून देण्यात आले आहे तर आज कोपरगाव तालुक्यातील सहा नागरिकांचे बळी गेले असून त्यात कोपरगाव साई धाम येथील एक पुरुष वय-६५,सुरेगाव येथील एक पुरुष वय-६०,तर धामोरी येथील ४७ वर्षीय पुरुष,कान्हेगाव येथील पुरुष वय-४८,आदींचा समावेश आहे.कोरोना मृत्यूचे तांडव आता गल्ली बोळात आता गोंधळ घालु लागले असताना कोरोना तपासणीसाठी आवश्यक साधने,लसी,खाटा,प्राणवायू आदींची मोठी कमतरता दिसून येत असल्याचे निदर्शनास येऊ लागले आहे त्यामुळे शहर व तालुक्यात भीतीचे वातावरण पसरले आहे.

दरम्यान कोपरगाव शहर व तालुक्यात मोठ्या प्रमाणात मृत्युदर वाढला असून कोरोनाचे रुग्ण हि मोठ्या प्रमाणात वाढले असतानाही बाधित नागरिकांना तपासणीसाठी आवश्यक साहित्याचा मोठा अभाव दिसून येत आहे.याबाबत आ.आशुतोष काळे यांनी पालकमंत्री यांची भेट घेऊनही त्या पातळीवर अद्याप शुकशुकाट असल्याचे दिसत आहे.त्यामुळे तालुक्यात नेमके किती बाधित रुग्ण व बाधित रुग्णांच्या संपर्कात आलेले संशयित रुग्ण किती कोणालाही काही थांगपत्ता लागत नसल्याचे चित्र आहे.