कोपरगावात..या शाळेत शालेय साहित्य वाटप कार्यक्रम संपन्न

न्यूजसेवा
कोपरगाव-(प्रतिनिधी)

पुणे येथील लायन्स क्लब ऑफ सारसबागच्याच्या वतीने कोपरगाव येथील श्रीमान गोकुळचंदजी विदयालयास शालेय साहित्याचे वाटप मोठ्या उत्साहात संपन्न झाले आहे.त्याचे कोपरगाव येथील विद्यार्थी पालक,लायन्स क्लब आदींनी स्वागत केले आहे.

“वर्तमान काळातील विदयार्थीनी आधुनिक काळातील दूरदर्शन,भ्रमणध्वनी आदी पासून सुरक्षित अंतर राखून संस्कारक्षम शिक्षण घेवुन आई-वडीलांची सेवा करावी,पाश्चात्त्य पध्दतीचे अनुकरण नये”-प्रसिध्द सराफ फत्तेचंद राका,पुणे.

पुणे आणि परिसरात सामाजिक कार्यात अग्रेसर असणाऱ्या लायन्स क्लब ऑफ सारसबागच्या वतीने नुकत्याच श्रीमान गोकुळचंदजी विदयालयाला विविध शालेय उपयोगी साहित्याचे वाटप करण्यात आले असल्याची माहिती श्रीमान गोकुळचंदजी विदयालयाचे मुख्याध्यापक मकरंद को-हाळकर यांनी आमच्या प्रतिनिधीस दिली आहे.

सदर प्रसंगी कार्यक्रमाला सारसबाग लायन्स क्लबचे अध्यक्ष अनिल सुगंधी,झेड.सी.लायन्स सुधीर डागा,कोपरगाव लायन्स क्लबचे सचिव लायन्स बाळासाहेब जोरी,ट्रेझरर अंकुश जोरी,लायन्स तुलसी खुबानी, वैभव उदावंत,कैलास नागरे,लियो क्लब ऑफ कोपरगावचे अध्यक्ष सुमित सिंनगर,धीरज कराचीवाला,श्रीमान गोकुळचंदजी विदयालयाचे संस्थेचे अध्यक्ष कैलास ठोळे,सचिव दिलीप अजमेरे,स्थानिक स्कुल कमेटीचे चेअरमन चंद्रकांत ठोळे,सहसचिव सचिन अजमेरे,संदीप अजमेरे,राजेश ठोळे,डाॕ.अमोल अजमेरे,उपमुख्याध्यापक आर.बी.गायकवाड,पर्यवेक्षक यु.एस.रायते,सर्व लायन्स सदस्य,शिक्षक,विदयार्थी,नागरिक मोठ्या संख्येने उपस्थित होते.

या प्रसंगी कोपरगाव तालुक्यातील टाकळी येथिल एकलव्य आदिवासी आश्रम शाळेतील विद्यार्थ्यांना बसण्यासाठी ४२ बेंचेस, ४ टेबल व ५ खुर्च्या देण्यात आल्या आहेत.श्रीमान गोकुळचंदजी विद्यालयास १० टेबल,१० खुर्च्या व क्रीडा साहित्य,विविध पुस्तके तसेच शिर्डी येथील साई अनाथ आश्रमाला २ पुस्तक मांडणी व विविध पुस्तके असे एकूण साडेपाच लाख रुपये किंमतीचे साहित्य वाटप करण्यात आले आहे.

या कार्यक्रमाचे प्रास्ताविक प्रोजेक्ट चेअरमन लायन्स राजेश टोळे यांनी तर सूत्रसंचालन लायन्स क्लब.कोपरगावचे लायन्स राम थोरे यांनी केले तर डाॕ.अमोल अजमेरे यांनी उपस्थितांचे आभार मानले आहे.