कोपरगाव शहरात आजही कोरोना रुग्णांचा मृत्यू,रुग्णसंख्येला उतार

जाहिरात-9423439946

न्यूजसेवा

कोपरगाव-(प्रतिनिधी)

नगर जिल्ह्यातील कोरोना बाधितांची संख्या ०२ लाख ४३ हजार ३७९ झाली असून सक्रिय रुग्ण संख्या १३ हजार ८८५ झाली आहे.तर आज अखेर पर्यंत ०२ लाख २६ हजार ६६३ रुग्ण उपचारानंतर बरे झाले आहे.तर ०२ हजार ८३० रुग्ण आतापर्यंत दगावले आहे.

राज्यातील रुग्णवाढ प्रथमच बावीस हजारांच्या दरम्यान आली असून कोपरगावही त्याला अपवाद नाही.कोपरगाव शहरात व ग्रामीण भागात टाळेबंदीचा सकारात्मक परिणाम आता येऊ लागले आहे.परिणामस्वरूप रुग्णवाढ रोडावली असून हि नक्कीच उत्साहवर्धक बाब आहे.तसेच मृत्युदर बऱ्यापैकी कमी झाला असून कोरोनाने बळी जाणाऱ्यात तरुणाईचा भरणा चिंता निर्माण करणारा आहे.मात्र अलीकडील काळात तोही रोडावला आहे.त्यामुळे आगामी काळ उज्वल असल्याचे दिसत असले तरी मात्र नगर जिल्हा देशातील सर्वाधिक बाधित १५ जिल्ह्यात समाविष्ठ आहे.त्यामुळे नगर जिल्हा प्रशासन कोणती भूमिका घेणार याकडे नागरिकांचे लक्ष लागून आहे.

दरम्यान उद्या दिनांक २५ मे रोजी ग्रामीण रुग्णालय येथे कोवीशील्ड लसीच्या डोसाबद्दल अद्याप माहिती उपलब्ध नाही ती उपलब्ध झाल्यानंतर वाचकांना पोहचवली जाईल.