अहमदनगर जिल्हा बँक असोसिएशनच्या वतीने नूतन अध्यक्ष मुंदडांचा सत्कार

न्यूजसेवा

कोपरगाव-(प्रतिनिधी)

नगर येथील शहर सहकारी बँक येथे अहमदनगर जिल्हा बँक असोसिएशनच्या सभेमध्ये कोपरगाव पीपल्स बँकेच्या अध्यक्षपदी निवड झाल्याबद्दल सत्येन मुंदडा यांचा सत्कार असोसिएशनचे अध्यक्ष गिरीश घैसास यांच्या हस्ते करण्यात आला आहे.

कोपरगाव येथील सहकारात अग्रणी असललेल्या कोपरगाव पीपल्स कॉ-ओपरेटिव्ह बँकेच्या अध्यक्षपदी नुकतीच कोपरगाव नगरपरिषदेचे नगरसेवक सत्येन मुंदडा यांची निवड झाली आहे.त्याची दखल नगर येथील जिल्हा बँके असोसिएशनच्या पदाधिकाऱ्यांनी घेतली आहे.व नुकताच त्यांचा सत्कार केला आहे.

सदर प्रसंगी राज्य बँक फेडरेशनच्या संचालिका मेधाताई काळे,अंबिका महीला बँकेच्या अध्यक्षा आशा मिस्कील,अहमदनगर मर्चंट बँकेचे माजी अध्यक्ष संजय गांधी,शहर सहकारी बँकेचे अध्यक्ष गिरीश घैसास,कोपरगाव पीपल्स बँकेचे माजी अध्यक्ष सुनील कंगले,पारनेर बँकेचे शिवाजीराव व्यवहारे,भिंगार अर्बन बँकेचे नाथाभाऊ राऊत,लेखा परीक्षक श्री पटणी आदींसह बहुसंख्य संचालक उपस्थित होते.

सदर सभेमध्ये नवीन बँकिंग रेग्युलेशन ॲक्ट,रिझर्व बँकेचे नवीन सर्क्युलर,बोर्ड ऑफ मॅनेजमेंट,नोकर भरती,व्यवस्थापकीय संचालक व पूर्णवेळ संचालक इत्यादी विविध विषयावर चर्चा झाली आहे.असोसिएशनचे अध्यक्ष गिरीश घैसास यांच्या अध्यक्षतेखाली सभा पार पडली असोसिएशनचे उपाध्यक्ष नाथाभाऊ राऊत यांनी उपस्थितांचे आभार मानले आहे.