ग्रामविकास
ग्रामपंचायत इमारतीला प्रशासकीय मान्यता-… यांची माहिती
न्यूजसेवा
कोपरगाव-(प्रतिनिधी)
राज्य शासनाच्या विविध कल्याणकारी योजनांची यशस्वीपणे अंमलबजावणी करणाऱ्या ग्रामपंचायतींना स्वतंत्र, सुसज्ज कार्यालयीन इमारत मिळावी व नागरिकांना सेवा मिळावी या उद्देशातून महायुती शासनाकडे केलेल्या पाठपुराव्यातून कोपरगाव विधानसभा मतदार संघातील लौकी,शहापूर,सोनारी,चांदगव्हाण व लौकी या ग्रामपंचायतींच्या नूतन इमारतीच्या कामाला बाळासाहेब ठाकरे स्मृती मातोश्री ग्रामपंचायत बांधणी योजने अंतर्गत प्रशासकीय मान्यता मिळाली असल्याची माहिती आ.आशुतोष काळे यांनी नुकतीच दिली आहे.
कोपरगाव तालुक्यासह अ.नगर जिल्ह्यातील अनेक ग्रामपंचायतींना स्वतःच्या इमारती नाहीत; तसेच इमारती बांधण्यासाठी त्यांच्याकडे पुरेसा निधी अथवा जमीन नसल्याने त्यांना ग्रामसचिवालय बांधता येत नसल्याच्या तक्रारी येत होत्या.त्या पार्श्वभूमीवर राज्य सरकारच्या ग्रामविकास विभागाकडे आ.आशुतोष काळे यांनी मागणी केली होती.
त्यात लौकी,शहापूर,सोनारी,चांदगव्हाण व लौकी या ग्रामपंचायतींच्या नूतन इमारतींना प्रशासकीय मान्यता मिळाल्यामुळे नागरिकांमध्ये आनंदाचे वातावरण पसरले आहे.
लौकी शहापूर,सोनारी,चांदगव्हाण व लौकी या ग्रामपंचायतींच्या नूतन इमारतीच्या कामाला प्रशासकीय मान्यता दिल्याबद्दल राज्याचे मुख्यमंत्री एकनाथ शिंदे,उपमुख्यमंत्री देवेंद्र फडणवीस,उपमुख्यमंत्री अजित पवार,पालकमंत्री राधाकृष्ण विखे,ग्रामविकास मंत्री गिरीश महाजन यांचे आभार मानले आहे.
