निवडणूक
निवडणूक निर्भय वातावरणात पार पाडा-आवाहन
न्यूजसेवा
कोपरगाव-(प्रतिनिधी)
लोकसभा सार्वत्रिक निवडणूकीच्या पार्श्वभूमीवर प्रशासनाने चांगली तयारी केली आहे.निवडणूक प्रक्रिया निर्भय आणि मुक्त वातावरणात पार पाडण्यासाठी निवडणूक लढविणाऱ्या उमेदवारांनी प्रशासनास सहकार्य करावे असे आवाहन शिर्डी लोकसभा मतदार संघाचे निवडणूक निरीक्षक अजय कुमार बिष्ट यांनी आज शिर्डी येथे बोलताना केले आहे.
यावेळी निवडणूक निर्णय अधिकारी बाळासाहेब कोळेकर यांनी निवडणूक आयोगाच्या नियमानुसार अपक्ष उमेदवारांना चिन्हांचे वाटप केले.एकाच चिन्हांसाठी पसंती दिल्या एक पेक्षा जास्त उमेदवारांच्या चिन्हांचे चिठ्ठीद्वारे सोडत काढून वाटप करण्यात आले आहे.
राहाता येथील निवडणूक निर्णय अधिकारी कार्यालयातील सभागृहात अपक्ष उमेदवारांना चिन्ह वाटप,आचारसंहिता व खर्चाबाबत मार्गदर्शन बैठकीचे आयोजन करण्यात आले होते.त्यावेळी उमेदवारांना मार्गदर्शन करतांना श्री.बिष्ट बोलत होते.यावेळी शिर्डी लोकसभा मतदारसंघाचे निवडणूक निर्णय अधिकारी बाळासाहेब कोळेकर,सहायक निवडणूक निर्णय अधिकारी माणिक आहेर आदी उपस्थित होते.
श्री.बिष्ट पुढे बोलताना म्हणाले की,”निवडणूक आयोगाने दिलेल्या सूचनांचे तंतोतंत पालन करत निवडणूक यशस्वीपणे पार पाडण्यासाठी उमेदवारांनी प्रशासनाला सहकार्य करावे.
यावेळी निवडणूक निर्णय अधिकारी बाळासाहेब कोळेकर यांनी निवडणूक आयोगाच्या नियमानुसार अपक्ष उमेदवारांना चिन्हांचे वाटप केले.एकाच चिन्हांसाठी पसंती दिल्या एक पेक्षा जास्त उमेदवारांच्या चिन्हांचे चिठ्ठीद्वारे सोडत काढून वाटप करण्यात आले आहे.यावेळी उपजिल्हाधिकारी लक्ष्मीकांत साताळकर यांनी निवडणूक आचारसंहितेविषयी मार्गदर्शन केले.
उमेदवारांना वेळोवेळी खर्च सादर करावा लागेल
नोडल अधिकारी (खर्च) सदाशिव पाटील यांनी निवडणूक खर्चाविषयी उमेदवारांना यावेळी मार्गदर्शन केले.शिर्डी लोकसभेची उमेदवारी करणाऱ्या उमेदवारांना त्यांची दैंनदिन नोंदवही संपूर्ण प्रचार कार्यकाळात किमान तीन वेळा खर्च निरीक्षकासमोर सादर करणे आवश्यक आहे.शिर्डी लोकसभेतील उमेदवारांच्या खर्च लेख्यांची तपासणी ३ मे,७ मे व ११ मे या तारखेला राहाता उप कोषगार अधिकारी कार्यालयात केली जाणार आहे.या तारखांना सकाळी १० ते सायंकाळी ५ वाजेच्या दरम्यान उमेदवार किंवा त्यांच्या प्रतिनिधींनी त्यांचे दैंनदिन खर्च नोंदवह्यासह उपस्थित राहावे. असे आवाहन श्री.पाटील यांनी केले आहे.
