…या ठिकाणी शालेय हॉकी स्पर्धेचे उद्घाटन संपन्न!

न्यूजसेवा

कोपरगाव-(प्रतिनिधी)

  अहिल्यानगर येथील जिल्हा क्रीडा अधिकारी कार्यालय व गौतमनगर येथील गौतम पब्लिक स्कूल यांच्या संयुक्त विद्यमाने १५ ऑक्टोबर रोजी गौतम पब्लिक स्कूलच्या हॉकी मैदानावर जिल्हास्तरीय शालेय हॉकी स्पर्धेचे आयोजन मोठ्या उत्साहात करण्यात आले होते.या स्पर्धेचे उद्घाटन कर्मवीर शंकरराव काळे सहकारी साखर कारखान्याचे महा व्यवस्थापक सुनील कोल्हे यांच्या हस्ते करण्यात आले आहे.

     सदर प्रसंगी गौतम पब्लिक स्कूलचे प्राचार्य नूर शेख,ऊस विकास अधिकारी आण्णासाहेब चिने,सिव्हिल इंजिनियर अर्शद सय्यद आदी मान्यवर उपस्थित होते.या  स्पर्धेच्या अंतिम सामन्यासाठी जिल्हा क्रीडा अधिकारी कार्यालयाचे क्रीडा अधिकारी विशाल गर्जे आवर्जून उपस्थित होते. त्यांच्या उपस्थितीत रंगलेला स्पर्धेचा अंतिम सामना यश अकॅडमी,सोनई विरुद्ध गौतम पब्लिक स्कूल,गौतमनगर या दोन्ही संघामध्ये झाला.गौतम पब्लिक स्कूलच्या हॉकी खेळाडूंनी अप्रतिम खेळाचे प्रदर्शन करून या सामन्यात एकतर्फी वर्चस्व ठेवून प्रतिस्पर्धी यश अकॅडमी,सोनई संघाचा ८-० असा पराभव करून हि स्पर्धा जिंकली आहे.

      गौतम पब्लिक स्कूलचा १४ वर्षाखालील हॉकी संघ गौतम पब्लिक स्कूल येथे होणाऱ्या विभागीय स्पर्धेत अहिल्यानगर जिल्ह्याचे नेतृत्व करणार असल्याची माहिती शाळेचे प्राचार्य नूर शेख यांनी दिली आहे.स्पर्धेत मुला-मुलींच्या १४ वर्षाखालील एकूण ५ संघानी आपला सहभाग नोंदवला.स्पर्धेचे अंतिम सामने यश अकॅडमी सोनई व निडो इंटरनॅशनल स्कूल संगमनेर तर गौतम पब्लिक स्कूल गौतम नगर विरुद्ध अमृतवाहिनी इंटरनॅशनल स्कूल संगमनेर असे झाले.मुलींच्या गटात प्रवरा कन्या विद्यालय संघाने बाजी मारून विजेतेपद पटकावले.

   दरम्यान गौतम पब्लिक स्कूलच्या विजेता हॉकी संघास प्राचार्य नूर शेख यांच्या मार्गदर्शनाखाली क्रीडा संचालक सुधाकर निलक,हॉकी प्रशिक्षक रमेश पटारे,पर्यवेक्षिका ज्योती शेलार,हॉलीबॉल प्रशिक्षक राजेंद्र आढाव,प्रशिक्षक इसाक सय्यद यांचे मार्गदर्शन लाभले.दरम्यान यशवसी संघांचे संस्थेचे अध्यक्ष माजी आ.अशोक काळे,विश्वस्त आ.आशुतोष काळे,उपाध्यक्ष छबुराव आव्हाड,संस्था इन्स्पेक्टर नारायण बारे,प्राचार्य नूर शेख आदीनी अभिनंदन केले आहे.