क्रीडा विभाग
…या विद्यार्थ्याचे जलतरण स्पर्धेत यश
न्युजसेवा
कोपरगाव-(प्रतिनिधी)
भारतीय जलतरण महासंघ आणि महाराष्ट्र ऑलिंपिक असोसिएशन यांच्या संयुक्तपणे आयोजित ६१ व्या संक रॉक लाईट हाउस ते गेट वे ऑफ इंडिया या ५ किलो मीटर लांबीच्या समुद्र जलतरण स्पर्धेत समता इंटरनॅशनल स्कूलचा इयत्ता सातवीतील शौर्य जितेंद्र पाटणी या विद्यार्थ्यांने उल्लेखनीय कामगिरी करून पदक मिळवून जलतरण स्पर्धेत उत्कृष्ट यश संपादन केले आहे.त्याच्या या निवडीचे सर्वत्र अभिनंदन होत आहे.
शौर्य पाटणी याने समुद्रातील जलतरण स्पर्धेत यश मिळवत एक युवा जलचर चॅम्पियन म्हणून स्वतःमधील क्षमता सिद्ध केली असल्याचे मानले जात आहे.समता इंटरनॅशनल स्कूलचे स्विमिंग प्रशिक्षक अनिल मेमाणे यांचे मार्गदर्शन लाभले होते.
संक रॉक लाईट हाऊस ते गेट वे ऑफ इंडिया हा मार्ग समुद्रातील जलतरणासाठी एक आव्हानात्मक मानला जातो.या मार्गावर जलतरण करताना स्पर्धकांना समुद्राच्या लाटा, वारा आणि पाण्याच्या प्रवाहासारख्या अनेक अडचणींना सामोरे जावे लागते.अशा अवघड परिस्थितीत शौर्य पाटणी यानी आपल्या धैर्य,सातत्य आणि कठोर परिश्रमाच्या जोरावर यशस्वी जलतरण करून पदक मिळवत समता इंटरनॅशनल स्कूलचे विद्यार्थी यश मिळवत असल्याचे वारंवार सिद्ध झाले आहे.
शौर्यच्या या अतुलनीय कामगिरी बद्दल आंतरराष्ट्रीय जलतरणपटू मोहनशेठ कुकरेजा यांच्या हस्ते सत्कार करण्यात आला.या वेळी समता इंटरनॅशनल स्कूलचे संस्थापक ओमप्रकाश कोयटे,जलतरणपटू डॉ.विलास आचार्य,सुषमा आचार्य,नीता पाटील,राजेश्वरी पवार,कोपरगाव नगरपालिकेचे माजी नगराध्यक्ष राजेंद्र शिंदे,पालक जितेंद्र पाटणी व नेहा पाटणी,प्राचार्य डॉ.विनोद चंद्र शर्मा आदींनी अभिनंदन केले आहे.
