भाजप गटाच्या माध्यमांबाबत माकडचेष्टा सुरू !

न्यूजसेव

कोपरगाव -(नानासाहेब जवरे)

  कोपरगाव नगरपरिषदेची आज दुसरी सर्वसाधारण सभा सकाळी ११ वाजता सुरू झाली असून त्यासाठी या सभेत पत्रकारांना प्रतिबंध केला असून हा जनतेचा अपमान असून पारदर्शक कारभाराचा बळी घेतला जात असल्याचा आरोप कोपरगाव नगरपरिषदेचे नगरसेवक महमूद सय्यद यांनी नुकताच केला आहे.त्यामुळे सत्ताधारी वर्गाच्या कारभाराबाबाद शहरात उलटसुलट चर्चेला उधाण आले आहे.

  कोपरगाव नगरपरिषदेची निवडणूक दि.२० डिसेंबर २०२५ रोजी संपन्न झाली आहे.त्यात भाजप कोल्हे गटास १९ जागा तर काळे गटास ०१ जागा तर शिवसेना बंडखोर गटास ०४ जागा प्राप्त झाल्या आहेत.आता स्वप्न रंजन संपून आता खऱ्या अर्थाने सत्ताधारी भाजप आणि मित्र पक्षांचा कारभार सुरू झाला आहे.त्यातच ०३ फेब्रुवारी रोजी स्थायी समितीची पहिलीच बैठक नगराध्यक्ष पराग संघान यांचे अध्यक्षतेखाली संपन्न झाली त्यात त्यांनी आपले रंग दाखवण्यास सुरुवात केली असल्याचे मानले जात आहे.आज गुरुवार दिनांक २६ फेब्रुवारी रोजी सकाळी ११ वाजता दुसरी सर्वसाधारण सभा सुरू झाली असून त्यापूर्वी राष्ट्रवादीच्या नगरसेवकांनी गौतम बँकेच्या सभागृहात पत्रकार परिषद आयोजित केली होती त्यावेळी ते बोलत होते.

  सदर प्रसंगी राष्ट्रवादी अजित पवार गटाच्या माजी नगरसेवक मंदार पहाडे,गटनेत्या गौरी पहाडे,अन्य नगरसेवक उपस्थित होते.

  त्या यावेळी त्यांनी सत्ताधारी भाजप कोल्हे गटावर हल्ला चढवला आहे.त्यावेळी पुढे बोलताना ते म्हणाले की,”भारतीय लोकशाहीत पत्रकार हा चौथा स्तंभ म्हणून ओळखला जातो.तो भारतातील उपेक्षित घटकाना न्याय देण्याचे आणि विरोधकांचा आवाज बनण्याचे काम करून सामाजिक प्रश्न आणि जनतेचे प्रलंबित प्रश्न मार्गी लावत असतो.मात्र वर्तमानात कोल्हे गटाला पत्रकारांची फार मोठी अडचण झालेली दिसत आहे.पूर्वी माजी नगराध्यक्ष विजय वहाडणे ज्या सभागृहात पत्रकारांना सामावून घेत होते.त्याच सभागृहात आता पत्रकारांना जागा उरली नाही म्हणणे ही सत्ताधाऱ्यांना पत्रकारांची किती अडचण होते ते दर्शवत असून त्याची जनतेप्रती अनास्था किती आहे हे वास्तव दर्शवत आहे.त्यामुळे या घटनेचा निषेध करावा तेवढा थोडा आहे.पत्रकार हा समाजाचा आरसा आहे.आणि सत्ताधारी आणि विरोधक सभागृहात काय करत आहे हे समाजाला आणि मतदारांना समजत असते.मात्र सत्ताधारी यातून कोणते पुण्य कमावत आहे हे कळायला मार्ग नाही.

  दरम्यान एका माहितीनुसार सत्ताधारी भाजपचे नगराध्यक्ष आणि पदाधिकारी असल्याने त्यांनी पंतप्रधानांचा इस्रायल दौरा संपन्न होत असल्याने ते संरक्षणाशी संबंधित गोपनीय काम करत असल्याची गोपनीय माहिती आणि देशाच्या हिताशी संबंधित निर्णय घेत असल्याची माहिती हाती आली असून ते आयर्न ड्रोन खरेदीला सल्ला देण्याचे काम करण्यासह अन्य कोणती हत्यारे आगामी काळात देशाला महत्वाची ठरणार आहे याचे मंथन करत आहे.दरम्यान याची माहिती शत्रू राष्ट्राला मिळू नये यासाठी माध्यमांना आपल्या सर्वसाधारण सभेपासून दूर ठेवत असल्याची विश्वसनीय माहिती हाती आली आहे.त्यामुळे जनतेने माजी आ.कोल्हे गटाच्या नेत्यांना आणि नगरसेवकांना धन्यवाद दिले असल्याचा दावा सत्ताधारी गटाने केला असल्याची माहिती कळत आहे.