गुन्हे विषयक
‘तो’ बेपत्ता युवक अखेर आढळला,कोपरगाव तालुक्यातील घटना
न्यूजसेवा
कोपरगाव-(प्रतिनिधी)
कोपरगाव तालुक्यातील शहाजापूर ग्रामपंचायत हद्दीत रहिवासी असलेला तरुण सुनील लहानु माळी (वय-२६) हा आपल्या मित्रासमवेत पोहण्यासाठी काल ११ वाजेच्या सुमारास गोदावरी कालव्यांवर गेला असता तो सदर कालव्यात वाहून गेला असल्याची भीती व्यक्त करण्यात येत असताना आज दुपारी ३.३० वाजेच्या सुमारास त्याचे शव शहाजापूर शिवारातील गोदावरी उजव्या कालव्यात आढळून आले आहे.त्यास ताब्यात घेऊन ते उत्तरीय तपासणीसाठी कोपरगाव ग्रामीण रुग्णालयात दाखल करण्यात आले आहे.त्यामुळे सदर बेपत्ता तरुणांचा शोध थांबला आहे.
दरम्यान आज सकाळ पासून पुन्हा एकदा हि शोध मोहीम कोपरगाव तालुका पोलिसांनी सुरु केली होती.दरम्यान त्याचे शव आज दुपारी ३.३० वाजेच्या सुमारास शहाजापूर शिवारातील गोदावरी कालव्याच्या पात्रात आढळून आले आहे.या प्रकरणी अकस्मात मृत्यूची नोंद करण्याचे काम कोपरगाव तालुका पोलीस ठाण्यात सुरु करण्यात आले असल्याची माहिती हाती आली आहे.सदर तरुणीच्या मृत्यूने सर्वत्र हळहळ व्यक्त होत आहे.
गोदावरी कालव्यांना नुकतेच उन्हाळी आवर्तन सोडण्यात आले आहे.त्यातील डावा कालवा नुकताच ब्राम्हणगाव शिवारात फुटला आहे.तर उजवा कालवा मात्र पूर्ण क्षमतेने सुरु आहे.त्यात पोहण्यास शहाजापूर येथील तरुण काल सकाळी अकरा वाजेच्या सुमारास गेले होते.मात्र त्याला पाण्याचा अंदाज न आल्याने तो सदर कालव्यात बेपत्ता झाला होता.त्यास शोध घेण्याचे काम तेथील रहिवासी रमेश भोंगळ व त्यांच्या अन्य सहकाऱ्यांनी केले होते.त्यात बेपत्ता झालेल्या तरुणाचा रात्री उशिरा पर्यंत शोध सुरु होता मात्र तो मिळून आला नव्हता.त्यासाठी मोठी शोध मोहीम राबवली मात्र त्याला शोधण्यास अपयश आले होते.त्यामुळे सदर तरुण कोणास आढळल्यास कोपरगाव तालुका पोलिसांशी संपर्क साधावा असे आवाहन करण्यात आले होते.मात्र त्यास काल यश आले नव्हते.
दरम्यान आज सकाळ पासून पुन्हा एकदा हि शोध मोहीम कोपरगाव तालुका पोलिसांनी सुरु केली होती.दरम्यान त्याचे शव आज दुपारी ३.३० वाजेच्या सुमारास शहाजापूर शिवारातील गोदावरी कालव्याच्या पात्रात आढळून आले आहे.या प्रकरणी अकस्मात मृत्यूची नोंद करण्याचे काम कोपरगाव तालुका पोलीस ठाण्यात सुरु करण्यात आले असल्याची माहिती हाती आली आहे.सदर तरुणाच्या मृत्यूने सर्वत्र हळहळ व्यक्त होत आहे.पुढील तपास पोलीस निरीक्षक वासुदेव देसले यांच्या मार्गदर्शनाखाली पो.हे.कॉ.श्री.कोकाटे हे करीत आहेत.
