दगड,काठीने मारहाण,दोन जखमी,कोपरगावात गुन्हा दाखल

न्यूजसेवा
कोपरगाव-(प्रतिनिधी)

कोपरगाव तालुक्यातील उक्कडगाव ग्रामपंचायत हद्दीत काल दुपारी ०३ वाजेच्या सुमारास गट क्रं.१६६/३ मधील बांधावरील बोरीच्या झाडाची फांदी तोडल्याच्या कारणावरून आरोपी साईनाथ विष्णू निकम याचे सह सात जणांनी गैर कायद्याची मंडळी जमवून आपल्याला व आपल्या दिरास काठी व ढेकळाच्या सहाय्याने मारहाण केली असून पती शिवाजी गोविंद निकम यांना दगडाने मारहाण केल्याचा गुन्हा दाखल केल्याने उक्कडगाव आणि परिसरात खळबळ उडाली आहे.

दि.०९ जानेवारी २०२३ रोजी दुपारी ०३ वाजेच्या सुमारास उक्कडगाव येथील गट क्रमांकाच्या शेतात बांधावर बोरीचे झाड असून त्याची फांदी फिर्यादी व तिच्या कुटुंबाने तोडली होती.सदरची फांदी तोडली असता त्यास आरोपी साईनाथ निकम आणि त्यांचे घरातील अन्य सहा सदस्य यांनी त्यास हरकत घेतली होती.त्यावरून हे रणकंदन झाले आहे.सात जणांविरुद्ध गुन्हा दाखल झाला आहे.

सदरचे सविस्तर वृत्त असे की,फिर्यादी राजश्री शिवाजी निकम (वय-३१) हि माहिला उक्कडगाव येथील रहिवासी असून त्यांचे शेत गट क्रं,१६६/३ असून त्यात वर्तमानात शेतीच्या रब्बी पिकांचे मशागतीची कामे सुरु आहेत.दि.०९ जानेवारी २०२३ रोजी दुपारी ०३ वाजेच्या सुमारास आमचे वरील गट क्रमांकाच्या शेतात बांधावर बोरीचे झाड असून त्याची फांदी फिर्यादी व तिच्या कुटुंबाने तोडली होती.
सदरची फांदी तोडली असता त्यास आरोपी साईनाथ निकम आणि त्यांचे घरातील अन्य सदस्य यांनी त्यास हरकत घेतली होती.त्यांना आम्ही समजावून सांगत असताना त्यांनी आमचे काही एक न ऐकता आम्हास काठी,ढेकूळ आणि दगड यांचे सहाय्याने मारहाण केली आहे.त्यात प्रमुख आरोपी साईनाथ निकम सह उत्तम विष्णू निकम,वनिता साईनाथ निकम,अनिता उत्तम निकम,पवन साईनाथ निकम,वर्षा साईनाथ निकम,धनश्री उत्तम निकम सर्व रा,उक्कडगाव आदींचा समावेश आहे.या मारहाणीत फिर्यादी महिलेचा पती शिवाजी गोविंद निकम यांना दगडाने मारहाण केली असल्याचे निष्पन्न झाले आहे.त्यामुळे उक्कडगाव आणि परिसरात खळबळ उडाली आहे.

सदर घटनेत फिर्यादी महिला राजश्री निकम व कैलास निकम हे दोन जण जखमी झाले आहे.त्यांनी उपचारानंतर कोपरगाव तालुका पोलीस ठाण्यात धाव घेऊन वरील आरोपी विरुद्ध गुन्हा दाखल केला आहे.

दरम्यान या गुन्ह्या प्रकरणी कोपरगाव तालुका पोलिसांनी आरोपी विरुद्ध गुन्हा नोंद क्रं.२०/२०२३ भा.वि.३२४,३२३,५०४,५०६,१४३,१४७,१४८,१४९,४४७ अन्वये नोंद केला आहे.पुढील तपास पोलीस निरीक्षक दौलतराव जाधव यांचे मार्गदर्शनाखाली पो.हे.कॉ.निजाम शेख हे करीत आहे.