गुन्हे विषयक
एकाने घेतली फाशी,कोपरगावात अकस्मात मृत्यूची नोंद
न्यूजसेवा
कोपरगाव-(प्रतिनिधी)
कोपरगाव तालुक्यातील चांदगव्हाण ग्रामपंचायत हद्दीत रहिवासी असलेला शेतमजूर रोहिदास सुखदेव पवार (वय-३४) याने आपल्या मालकाच्या शेतात अज्ञात कारणाने लिंबाच्या झाडाला गळफास घेऊन आपली जीवन यात्रा संपवली आहे.त्यामुळे सर्वत्र हळहळ व्यक्त होत आहे.
दरम्यान मयत याने आपली दुचाकी आपल्या शेतमालकाच्या वस्तीजवळ उभी करून ते टोमॅटोच्या शेतात गेला होता.मात्र बराच वेळ होऊनही तो परत आला नाही म्हूणूंन त्यांच्या मालकाच्या मुलास शंका आली होती.म्हणून त्याने शेतात फेरफटका मारला असता हि आत्महत्येची दुर्दैवी घटना उघड झाली आहे.त्यामुळे सर्वत्र हळहळ व्यक्त होत आहे.
सदरचे सविस्तर वृत्त असे की,वर्तमान काळात दिवाळी सण मोठ्या उत्साहात संपन्न आला असून नागरिक हा सण मोठया उत्साहात साजरा करत असताना दि.२४ ऑक्टोबर रोजी दुपारच्या सुमारास चांदगव्हाण ग्रामपंचायत हद्दीत दुर्दैवी घटना उघडकीस आली आहे.येथील शेतमजूर रोहिदास पवार हा गावाच्या पश्चिमेस रहिवासी होता.तो त्याच गावातील शेतकरी यांचेकडे शेतमजूर म्हणून काम करत होता.तो अत्यंत सुस्वभावी म्हणून त्यांची परिसरात ओळख होती.त्याने अज्ञात कारणाने आपले जीवन संपवले आहे.
दरम्यान त्यांने आपली दुचाकी आपल्या शेतमालकाच्या वस्तीजवळ उभी करून ते टोमॅटोच्या शेतात गेला होता.मात्र बराच वेळ होऊनही तो परत आला नाही म्हूणूंन त्यांच्या मालकाच्या मुलास शंका आली होती.म्हणून त्याने शेतात फेरफटका मारला असता हि दुर्दैवी घटना उघड झाली आहे.
या ठिकाणी शेतमालकाच्या मुलाने घटनास्थळी आरडा ओरडा केला होता.तो ऐकून बाकी ग्रामस्थांनी घटनास्थळाकडे धाव घेतली मात्र तोवर महत्वाची वेळ उलटून गेली होती.त्यांना तातडीने रुग्णवाहिका बोलावून कोपरगाव ग्रामीण रुग्णालयात भरती केले असता वैद्यकीय अधिकाऱ्यांनी त्यास मृत घोषित केले आहे.
मयताच्या पश्चात आई,एक भाऊ,पत्नी,एक मुलगा,एक मुलगी असा परिवार आहे.मयत हा लहान भाऊ होता.मयत हा मुळं कुंभारी ता.कोपरगाव येथील रहिवासी होता.सदर इसमाचे शव विच्छेदन करून त्यांच्या नातेवाईकांच्या ताब्यात देऊन त्यावर आज सकाळी ८.३० वाजेच्या सुमारास नदीकाठी शोकाकुल वातावरणात अंत्यसंस्कार करण्यात आले आहे.मयताची मुलगी उपवर होती व तिचे लग्न करण्याचा त्याचा बेत होता.त्यामुळे तणावात हा निर्णय घेतला की अन्य कारणानें हे समजू शकले नाही.मयत इसम हा अत्यंत सुस्वभावी म्हणून परिसरात ओळख होती.त्यामुळे सर्वत्र हळहळ व्यक्त होत आहे.
दरम्यान या प्रकरणी कोपरगाव तालुका पोलीस ठाण्यात वैद्यकीय अधिकाऱ्यांनी अकस्मात मृत्यूची नोंद केली आहे.घटनास्थळी पोलीस उपनिरीक्षक आदींनी घटनास्थळी भेट दिली आहे.याबाबत आमच्या प्रतिनिधीने पोलीस निरीक्षक वासुदेव देसले यांचेशी संपर्क साधला असता त्यांनी प्रतिसाद दिला नाही.
कोपरगाव शहर पोलीस ठाण्यात या प्रकरणी खबर देणारे इसम इंद्रनाथ तुळशीराम मुंडे यांनी याबाबत खबर दिली असून पोलिसांनी आपल्या दप्तरी अकस्मात मृत्यू नोंद क्रं./२०२२ सि.आर.पी.सी १७४ प्रमाणे नोंद दाखल केली आहे.पुढील तपास पोलीस निरीक्षक देसले यांचे मार्गदर्शनाखाली पोलीस हे.कॉ.के.एल.जाधव हे करीत आहेत.
