शैक्षणिक
…या स्कूलच्या विद्यार्थ्यांकडून समाजाभिमुख कार्य-डॉ.मुळे
न्यूजसेवा
कोपरगाव-(प्रतिनिधी)
शैक्षणिक संस्थांच्या माध्यमातून विविध उपक्रमांच्या माध्यमातून विद्यार्थ्यांच्या कलागुणांना वाव मिळण्याबरोबर समाजामध्ये त्या कलागुणांचा वापर कसा करायचा याचे ज्ञान मिळत असल्याचे प्रतिपादन डॉ.दत्तात्रय मुळे यांनी कोपरगाव तालुक्यातील एका कार्यक्रमात बोलताना केले आहे.
“समता इंटरनॅशनल स्कूल विद्यार्थ्यांच्या सर्वांगीण विकासाला प्राधान्य देत असून विद्यार्थ्यांमध्ये विविध कला गुण आणि मुल्यांचा विकास होण्याची संधी या उपक्रमाच्या अंतर्गत निर्माण करून दिली आहे हि बाब कौतुकास्पद आहे”-डॉ.दत्तात्रय मुळे,प्रसिद्ध वैद्यक,कोपरगाव.
कोपरगाव नजीक असलेल्या कोकमठाण येथील समता इंटरनॅशनल स्कूलच्या विद्यार्थ्यांनी बनवलेल्या आर्ट वोल्कॅनो प्रदर्शन व विक्री शहरातील कलश मंगल कार्यालयात नुकतेच मोठ्या उत्साहात पार पडला.त्या प्रसंगी ते बोलत होते.
सदर कार्यक्रमाचे प्रमुख पाहुणे म्हणून डॉ.राजेश श्रीमाळी,डॉ.रामदास आव्हाड,समता महिला बचत गटाचे अध्यक्षा सुहासिनी कोयटे आदी मान्यवर उपस्थित होते.
कार्यक्रमाचे प्रास्तविक समता इंटरनॅशनल स्कूलच्या मॅनेजिंग ट्रस्टी स्वाती कोयटे यांनी केले आहे.तर उपस्थितांना मार्गदर्शन डॉ.राजेश माळी,डॉ.आव्हाड यांनी केले आहे.
सदर प्रसंगी दत्तात्रय मुळे व सौ.मुळे यांच्या हस्ते फीत कापून आणि दीपप्रज्वलन करत प्रदर्शनाचे उद्घाटन करण्यात आले.समता इंटरनॅशनल स्कूलचे मुख्य कार्यवाह संदीप कोयटे आणि कार्यकारी विश्वस्त स्वाती कोयटे यांच्या हस्ते प्रमुख पाहुणे आणि मान्यवरांचा सत्कार करण्यात आला.
कार्यक्रमाचे सुत्रसंचलन स्कूलच्या इ.१० तील विद्यार्थिनी दिवा सांड व स्वरूपा दास यांनी केले. तर उपस्थितांचे आभार उप प्राचार्य समीर अत्तार यांनी मानले आहे.
