… या पतपेढीची वार्षिक सभा उत्साहात संपन्न

न्यूजसेवा

कोपरगाव -(प्रतिनिधी)

  कर्मवीर शंकरराव काळे सहकारी साखर कारखाना सेवकांची पतपेढी या संस्थेची ६८ वी वार्षिक सर्वसाधारण सभा नुकतीच आ.आशुतोष काळे यांच्या प्रमुख उपस्थितीत व संस्थेचे अध्यक्ष प्रमोद आभाळे यांच्या अध्यक्षतेखाली संस्थेच्या कर्मवीर शंकरराव काळे सभागृहात पार पडली आहे.

यावेळी संस्थेचे अध्यक्ष प्रमोद आभाळे बोलताना म्हणाले की,”कर्मवीर शंकरराव काळे सहकारी साखर कारखान्याचे अध्यक्ष आ.आशुतोष काळे यांच्या नेतृत्वाखाली संस्था प्रगतीपथावर आहे.कारखाना व उद्योग समूहाच्या कामगार सभासदांना वैयक्तिक कर्ज पुरवठा,आवश्यक सोयी सुविधा पुरवित आहे.संस्थेने ५ कोटी ९६ लाख १० हजार कर्ज वाटप केले असून त्या माध्यमातून व इतर उत्पन्नातून संस्थेला २०२४-२५ या आर्थिक वर्षात एकूण ३१ लाख ९० हजार रुपयांचा नफा झाला आहे.संस्थेला ऑडीट वर्ग ‘अ’ मिळाला असून यावर्षी सभासदांना १०% लाभांश देणार असल्याचे त्यांनी जाहीर केले.चालू वर्षापासून कर्ज मर्यादेत वाढ करून कायम कर्मचाऱ्यांना दहा लाख व हंगामी कर्मचाऱ्यांना पाच लाख रुपये कर्ज घेता येणार आहे.

  यावेळी कर्मवीर शंकरराव काळे सहकारी साखर कारखान्याचे उपाध्यक्ष प्रवीण शिंदे,कार्यकारी संचालक सोमनाथ बोरनारे,सचिव बाबा सय्यद,कामगार सभा महासचिव नितीन गुरसळ आदी मान्यवरांसह संस्थेचे सर्व सभासद कर्मचारी मोठ्या संख्येने उपस्थित होते.
 
   यावेळी साखर दुकानात साखर खरेदी करतांना सभासदांना ऑनलाईन पेमेंटची सुविधा उपलब्ध करून देण्यासाठी क्यू आर कोडचे उद्घाटन आ.काळे यांच्या हस्ते करण्यात आले व जास्त ठेव ठेवणाऱ्या व जास्तीत जास्त लाभांश घेणाऱ्या सभासदांचा त्यांच्या हस्ते सत्कार करण्यात आला.अहवाल वाचन मॅनेजर कुलदीप गांगुर्डे यांनी केले.सभेपुढे मांडण्यात आलेले १ ते १३ विषय सभासदांनी मंजूर केले आहे.

  याप्रसंगी अध्यक्षपदाची सुचना दिलीप झाल्टे यांनी मांडली तर या सूचनेस मच्छिंद्र कोळपे यांनी अनुमोदन दिले.श्रद्धांजली ठरावाचे वाचन संजय पोथारे यांनी केले.सदर कार्यक्रमाचे सूत्रसंचालन उपाध्यक्ष वैभव काळे यांनी केले तर आभार विलास रोहमारे यांनी मानले आहे.

  कर्मवीर काळे कारखाना सेवकांच्या पतपेढीच्या ६८ व्या वार्षिक सर्वसाधारण सभेत मार्गदर्शन करतांना आ.आशुतोष काळे, समवेत उपाध्यक्ष प्रवीण शिंदे,कार्यकारी संचालक सोमनाथ बोरनारे,संस्थेचे अध्यक्ष  प्रमोद आभाळे आदी दिसत आहेत.