सहकार
…या पतसंस्थेला ९०.२७ लाख रुपये नफा-माहिती
न्यूजसेवा
कोपरगाव-(प्रतिनिधी)
कोपरगाव तालुक्यातील सहकारी पतसंस्था क्षेत्रात अग्रगण्य असणा-या पद्मविभुषण डॉ.शरदचंद्रजी पवार नागरी सहकारी पतसंस्थेला २०२३-२४ या चालू आर्थिक वर्षात ९० लाख २७ हजार रुपयांचा निव्वळ नफा झाला असल्याची माहिती संस्थेचे अध्यक्ष देवेन रोहमारे यांनी आमच्या प्रतिनिधीस दिली आहे.
“डॉ.पवार सहकारी पतसंस्थेवर असलेल्या विश्वासामुळे ठेवीत वाढ होऊन ३७.९७ कोटी इतक्या ठेवी तर २४.३५ कोटीचे कर्ज वाटप केलेले आहे.संस्थेचे वसूल भाग भांडवल रू.९६.७४ लाख इतके आहे”देवेन रोहमारे,अध्यक्ष,डॉ.पवार पतसंस्था,गौतमनगर.
कर्मवीर शंकरराव काळे सहकारी साखर कारखाना व उद्योग समुहातील कर्मचारी तसेच कोपरगाव तालुक्यातील ग्रामीण भागातील छोटे-मोठे व्यावसायिकांना स्वत:चे छोटे-मोठे व्यवसाय सुरु करण्यासाठी भांडवल उपलब्ध व्हावे या दूरदृष्टीतूनन माजी खासदार कर्मवीर काळे यांनी सुरु केलेली हि पतसंस्था आहे.
सदर संस्था प्रतिकूल स्थितीकडून प्रगतीच्या दिशेने वाटचाल करीत असतांना थकबाकीचे प्रमाण २.८९ टक्के तर एन.पी.ए.चे प्रमाण शून्य टक्के राखले आहे.संस्थेवर असलेल्या विश्वासामुळे ठेवीत वाढ होऊन ३७.९७ कोटी इतक्या ठेवी तर २४.३५ कोटीचे कर्ज वाटप केलेले आहे.संस्थेचे वसूल भाग भांडवल रू.९६.७४ लाख इतके आहे.गुंतवणूक २७.४५ कोटी आहे.संस्थेला मागील आर्थिक वर्षात उत्कृष्ठ व उल्लेखनीय कामगिरी बद्दल बँको ब्ल्यू रिबन पतसंस्था पुरस्काराने सन्मानित करण्यात आले असल्याची माहिती देवेन रोहमारे यांनी दिली आहे.
संस्थेच्या कारभाराबद्दल माजी आ.अशोक काळे,कर्मवीर शंकरराव काळे सहकारी साखर कारखान्याचे अध्यक्ष आ. आशुतोष काळे आदींनी अभिनंदन केले आहे.
