..या गावी प्रजासत्ताक दिन उत्साहात संपन्न

न्यूजसेवा

कोपरगाव-(प्रतिनिधी)

  कोपरगाव तालुक्यातील बहादराबाद ग्रामपंचायतीच्या वतीने आज सकाळी ०८.१५ वाजेच्या सुमारास मोठ्या उत्साहात प्रजासत्ताक दिन सरपंच अश्विनी पाचोरे,लष्करी जवान योगेश पाचोरे यांच्या प्रमुख उपस्थितीत मोठ्या उत्साहात संपन्न झाला आहे.

भारतीय प्रजासत्ताक दिवस हा भारताच्या प्रजासत्ताकात दरवर्षी २६ जानेवारी रोजी पाळला जाणारा राष्ट्रीय दिन आहे.याला डॉ.बाबासाहेब आंबेडकर यांनी भारताचे संविधान संविधान समितीने २६ नोव्हेंबर इ.स.१९४९ रोजी स्वीकारले व २६ जानेवारी इ.स.१९५० रोजी पासून भारतीय संविधान अंमलात आले.जवाहरलाल नेहरू यांनी ३१ डिसेंबर,इ.स.१९२९ रोजी लाहोरजवळ रावी नदीच्या काठी अशोक चक्रांकित तिरंगा ध्वज फडकावून पूर्ण प्रजासत्ताकाची घोषणा केली होती.त्याची आठवण म्हणून २६ जानेवारी हा दिवस राज्यघटना अंमलात आणण्यासाठी निवडण्यात आला.या दिवशी देशभरात भारताच्या राष्ट्रध्वजाचे आरोहण होऊन त्याला वंदना दिली जाते.भारताचे राष्ट्रगीत म्हटले जाते आणि आदर व्यक्त केला जातो.कोपरगाव तालुक्यातील बहादराबाद येथे हा उत्सव मोठ्या उत्साहात संपन्न झाला आहे.

  सदर प्रसंगी तालुका भाजपचे अध्यक्ष विक्रम पाचोरे,पोलिस पाटील आप्पासाहेब पाचोरे,सोसायटी अध्यक्ष दत्तात्रय पाचोरे,उपसरपंच गिताराम पाचोरे,सदस्य आरती पाचोरे,ग्रामसेवक अनिता दिवे,शिवाजी पाचोरे,रामनाथ पाचोरे,काकासाहेब पाचोरे,सोमनाथ पाचोरे,बाजीराव पाचोरे,मोहन पाचोरे,संभाजी पाचोरे,गणेश पाचोरे,पाटीलबा पाचोरे,गोवर्धन पाचोरे,अंगणवाडी सेविका सुलोचना पाचोरे,संगिता पाचोरे,उषाताई पाचोरे,कुसुम पाचोरे,निर्मला पाचोरे,चंद्रकला पाचोरे,दिपक आरोटे,हिरामण माळी,प्रवीण खंडिझोड,प्रविण घारे,अशोक सरवार यांसह विद्यार्थी पालक व ग्रामस्थ मोठ्या संख्येने उपस्थित होते.

सदर प्रसंगी शालेय विद्यार्थ्यांनी तिरंगा ध्वज हाती घेत,राष्ट्रभक्तीपर घोषणा देत गावातून प्रभातफेरी काढली.या प्रभातफेरी दरम्यान विद्यार्थ्यांनी ग्रामपंचायत कार्यालय बहादराबाद येथे उपस्थित रहात तेथील ध्वजास मानवंदना दिली आहे.स्वातंत्र्यसैनिक कोनशिलेवर सुमनांजली अर्पण करत सामुहीक राष्ट्रगीत घेतले आहे.त्यानंतर जि.प.प्राथमिक शाळेत मुख्याध्यापक स्वाती गुळवे यांच्या हस्ते ध्वजारोहण करण्यात आले आहे.

   यावेळी जवान योगेश पाचोरे,माजी सरपंच विक्रम पाचोरे,व्यवस्थापन समिती अध्यक्षा सोनाली पाचोरे,सरपंच अश्विनी पाचोरे यांनी आपले मनोगत व्यक्त केले आहे.

यावेळी व्यवस्थापन समिती सदस्यांनी प्रजासत्ताक दिनाचे औचित्य साधत शाळेस दहा खुर्च्या भेट देऊन लोकसहभागाची परंपरा कायम राखली आहे.

यावेळी विद्यार्थ्यांना खाऊवाटप करण्यात आले.सदर कार्यक्रमाचे सुत्रसंचालन गीताराम पाचोरे यांनी तर उपस्थितांचे आभार मुख्याध्यापक स्वाती गुळवे यांनी मानले आहे.