अनुसूचित जाती वस्ती विकासासाठी काहींना निधीचा दावा तर काहींना ठेंगा !

न्यूजसेवा

कोपरगाव-(प्रतिनिधी)

   जिल्ह्यातील अनुसूचित जाती व नवबौद्ध घटकांच्या वस्तीचा विकास करणे या योजने अंतर्गत महायुती शासनाने कोपरगाव मतदारसंघातील अनुसूचित जाती व नवबौद्ध घटकांच्या विकासाच्या विविध विकास कामांच्या ०४ कोटी ०७ लक्ष निधीच्या कामास प्रशासकीय मंजूरी देण्यात आली असल्याची माहिती आ.आशुतोष काळे यांनी आमच्या प्रतिनिधीस दिली असली तरीही काही निवडक ग्रामपंचायतीना ठेंगा दाखवला आहे त्यामुळे उलतसुटल चर्चेला उधाण आले आहे.

  

कोपरगाव तालुक्यातील एकूण ६३ अनुसूचित जाती व नवबौद्ध घटकांच्या वस्तीतील ७१ विकास कामांना लवकरच प्रारंभ होणार असला तरी तालुक्यातील जवळके आणि कुंभारी येथील ग्रामपंचायतीना यात ठेंगा दाखवला आहे त्यामुळे या ग्रामपंचायतीत आदिवासी ग्रामस्थानीं नाराजी व्यक्त केली आहे.

कोपरगाव मतदार संघातील विविध विकास कामांचा मोठा अनुशेष निर्माण झाला होता त्यासाठी आ.काळे यांनी दूर करण्यासाठी प्रयत्न सुरु केले होते.याची दखल घेऊन त्या कामांना नुकतीच महायुती शासनाने प्रशासकीय मान्यता दिली आहे.प्रशासकीय मान्यता दिलेल्या कामामध्ये पेव्हिंग ब्लॉक बसविणे,रस्ता करणे,वीज पुरवठ्याची कामे करणे, पाणीपुरवठा योजनेची कामे करणे,सौर पथ दिवे बसविणे,बंदिस्त गटार,रस्ता खडीकरण,समाज मंदिर बांधकाम करणे,पोच रस्ता डांबरीकरण करून तसेच विविध रस्त्यांच्या मजबुती करण्याच्या कामाचा समावेश आहे.

  सदर मंजूर कामात विधानसभा मतदार संघातील ओगदी,बक्तरपुर,बहादरपूर,कोकमठाण,कान्हेगाव,कोळगाव थडी, कोळपेवाडी,कारवाडी,गोधेगाव,घोयेगाव,चासनळी,चांदेकसारे,चांदगव्हाण,दहेगाव बोलका,तीळवणी,पढेगाव,मढी बु.,मोर्विस,मढी खु.,मंजूर,माहेगाव देशमुख,मायगाव देवी,मुर्शतपुर,हिंगणी,सडे,सुरेगाव,सांगवी भुसार,शिरसगाव, सावळगाव,संवत्सर,शहाजापूर,शहापूर,वडगाव,डाऊच बु.,रांजणगाव देशमुख,लौकी,भोजडे आदी गावातील एकूण ६३ अनुसूचित जाती व नवबौद्ध घटकांच्या वस्तीतील ७१ विकास कामांना लवकरच प्रारंभ होणार आहे.त्यामुळे या सर्व गावातील अनुसूचित जाती व नवबौद्ध घटकांच्या वस्तीतील नागरिकांमध्ये समाधानाचे वातावरण पसरले असले तरी जवळके आणि कुंभारी ग्रामपंचायतीना वगळले असल्याने या भागातील ग्रामस्थानी नाराजी व्यक्त केली असून हाच का सामान न्याय अशी विचारणा आ.काळे यांना केली आहे.मात्र त्याचे कारण समजू शकले नाही.