…’त्या’ मृत्यूचे कारण उघड,पोलिसांची माहिती

न्यूजसेवा

संवत्सर-(शिवाजी गायकवाड)

   कोपरगाव तालुक्यातील संवत्सर ग्रामपंचायत हद्दीत मनाई वस्ती नारदी नदीच्या कडेला एक पुरुष जातीचे प्रेत कुजलेल्या स्थितीत आढळून आले होते परिणामी मोठी खळबळ उडाली होती.हा खून आहे की आत्महत्या याबाबत उलट सुलट चर्चेला उधाण आले असताना आज शहर पोलिसांकडून सदर घटना ही अपघाती मृत्यू असल्याची माहिती सांगण्यात आली आहे. मयत हा मनाई वस्ती येथील रहिवासी होता व त्याचे नाव अर्जुन लक्ष्मण सोनवणे (वय-४५) असे असल्याचे समोर आले आहे.तो मनाई वस्ती परिसरात फिट येऊन पडला असल्याने ही दुर्दैवी घटना घडली असल्याचे समजत आहे.

   कोपरगाव शहर पोलिस ठाण्याच्या हद्दीत संवत्सर शिवारात मनाई वस्ती या ठिकाणी नारदी नदीच्या कडेला एक पुरुष जातीचे प्रेत आढळून आले आहे.त्यामुळे हा खून आहे की आत्महत्या याबाबत उलट सुलट चर्चेला उधाण आले होते.याबाबतची माहिती काही नागरिकांनी तेथील पोलिस पाटील लीना आचारी यांना कळवली होती.त्यांनी याबाबत कोपरगाव शहर पोलिस ठाण्याचे पोलिस निरीक्षक रामकृष्ण कुंभार यांना कळवली होती.

   दरम्यान त्यांनी आपल्या सहकाऱ्यांना घेऊन सदर घटनेचा पंचनामा केला असून पुढील कारवाई साठी सदर शव संवत्सर येथील जिल्हा परिषद रुग्णालयात रवाना केले होते.याबाबत कोपरगाव शहर पोलिस ठाण्यात या प्रकरणी गुन्हा क्रं.86/२०२५ भारतीय न्याय संहिता 2023 चे कलम १94 प्रमाणे नोंद केली होती.

     याबाबत पोलिस निरीक्षक कुंभार यांचे मार्गदर्शनाखाली चौकशी अधिकारी जालिंदर तमनर यांनी तपास सुरू केला होता.त्यात सदर मयत इसम हा मनाई वस्ती येथील असल्याचे उघड झाले असून त्याला फिट येण्याचा आजार होता.त्यात त्याचा मृत्यू घडला असल्याची माहिती त्यांच्या कुटुंबियांनी सदर प्रेत ओळखल्यावर पोलिसांना दिली आहे.त्यामुळे त्याबाबत शंका कुशंका यांना पूर्णविराम मिळाला आहे.याबाबत पोलिसांनी सुटकेचा निःश्वास टाकला आहे.