अपघातात बालकाचा मृत्यू,कोपरगावात नोंद

जाहिरात-9423439946

न्यूजसेवा

कोपरगाव-(प्रतिनिधी)

कोपरगाव शहरानजीक असलेल्या जेऊर पाटोदा ग्रामपंचायत हद्दीत नुकतेच एक साडेतीन वर्षाचे बालक राघव सागर कुदळे हे खेळत असताना टाटा मॅजिक गाडीत जाऊन काच बंद करत असताना त्याची मान काचेत अडकून त्याचा गुदमरून मृत्यू झाला असल्याची धक्कादायक घटना उघडकीस आली आहे.या घटनेबाबत त्याचे आजोबा भाऊसाहेब गमाजी कुदळे (वय- ४५) यांनी कोपरगाव शहर पोलीस ठाण्यात अकस्मात मृत्यूची नोंद केली आहे.या घटनेने सर्वत्र हळहळ व्यक्त होत आहे.

सदरचे सविस्तर वृत्त असे की,कोपरगाव शहारानजीक जेऊर पाटोदा ही ग्रामपंचायत असून या ठिकाणी भाऊसाहेब कुदळे यांचे कुटुंब रहाते.त्यांच्याकडे आपल्या पशुधनाच्या चाऱ्यासाठी एक टाटा कंपनीचे मॅजिक नावाचे मॉडेल असलेले एक चार चाकी वाहन आहे.त्यांनी दि.१४ ऑक्टोबर रोजी सकाळी ९.३० वाजता आपल्या घरासमोर उभे करून ठेवले असता व ते आपल्या नियमित कामात व्यग्र होते.
दरम्यान त्यांचा नातू राघव कुदळे हा खेळत खेळत सदर गाडीकडे गेला होता.व गाडीत बसून खेळत असताना त्याच्याकडन चुकून काच बंद करण्याचे बटन दाबले गेले त्यात त्याची स्वतःची मान अडकुन त्या दुर्घटनेत तो मृत्युमुखी पडला आहे.

ही दुर्घटना जेंव्हा घरच्या माणसांच्या लक्षात आली त्यावेळी खूप उशीर झाला होता.त्यास उपचारार्थ कोपरगाव ग्रामीण रुग्णालयात दाखल करण्यात आले होते.मात्र औषधोपचारापूर्वी तो मृत्यू पावला होता.
दरम्यान या प्रकरणी कोपरगाव शहर पोलीस ठाण्यात त्याचे आजोबा यांनी अकस्मात मृत्यूची नोंद केली आहे.घटनास्थळी पोलीस निरीक्षक प्रदीप देशमुख यांनी भेट दिली आहे.

दरम्यान या घटनेबाबत कोपरगाव शहर पोलीस ठाण्यात अकस्मात मृत्यू नोंद क्रं.५८/२०२३ सी.आर.पी.सी.प्रमाणे नोंद दाखल केली आहे.पुढील तपास पोलीस निरीक्षक प्रदीप देशमुख यांचे मार्गदर्शनाखाली सहाय्यक फौजदार वांढेकर हे करत आहेत.
या प्रकरणी कोपरगाव शहर पोलीस ठाण्यात गुन्हा क्रं.४४०/२०२३ महाराष्ट्र पोलीस अधिनियम कलम  १२४ प्रमाणे गुन्हा दाखल केला आहे.पुढील तपास पोलीस निरीक्षक वासुदेव देसले यांचे मार्गदर्शनाखाली पो.हे.कॉ.के.ए.जाधव हे करत आहेत.