शटरचे कुलुप तोडून चोरी,कोपरगावात गुन्हा दाखल

न्यूजसेवा
कोपरगाव-(प्रतिनिधी)

कोपरगाव शहरातील नगर-मनमाड मार्गावरील साईसीटी कॉर्नरवर असलेल्या प्लंबिंग साहित्याचे मथुरा एजन्सीचे शटरचे कुलूप तोडून अज्ञातच चोरट्याने त्यांतील सुमारे ७१ हजार २२९ रुपयांचे साहित्य चोरून नेले असल्याचा गुन्हा कोपरगाव शहर पोलीस ठाण्यात फिर्यादी पराग ज्ञानेश्वर गायकवाड (वय-२८) रा.समतानगर यांनी दाखल केल्याने शहरातील व्यापाऱ्यामध्ये खळबळ उडाली आहे.

फिर्यादी पराग गायकवाड हे समतानगर येथील रहिवासी व्यापारी असून त्यांचे प्लंबिंगचे दुकान आहे.ते आपले दुकान बुधवार दि.१९ ऑक्टोबर रोजी आपले दैनंदिन काम आटोपून रात्री ८ वाजता दुकान बंद करून घरी गेले असता व दुसऱ्या दिवशी ते सकाळी ८.३० वाजेच्या सुमारास आपल्या दुकानात आले असता त्यांचे दुकानच्या शटरचे कुलूप तोडलेले आढळले असून त्यातील विविध ७१ हजार २२९ रुपयांचे प्लंबिंग्स साहित्य लंपास केले आहे.

सदरचे सविस्तर वृत्त असे की,फिर्यादी पराग गायकवाड हे समतानगर येथील रहिवासी व्यापारी असून त्यांचे प्लंबिंगचे दुकान आहे.ते आपले दुकान बुधवार दि.१९ ऑक्टोबर रोजी आपले दैनंदिन काम आटोपून रात्री ८ वाजता दुकान बंद करून घरी गेले असता व दुसऱ्या दिवशी ते सकाळी ८.३० वाजेच्या सुमारास आपल्या दुकानात आले असता त्यांचे दुकानच्या शटरचे कुलूप तोडलेले आढळले आहे.त्यांनी तातडीने हि बाब कोपरगाव शहर पोलीस ठाण्याचे अधिकारी यांचे लक्षात आणून दिली आहे.पोलीस अधिकारी वासुदेव देसले,उपनिरीक्षक रोहिदास ठोंबरे,पो.हे.कॉ.ए.एम.दारकुंडे हे घटनास्थळी आले व त्यांनी पाहणी करून त्याचा स्थळ पंचनामा केला आहे.

दरम्यान सदर दुकानातून १,६६० रुपये किमतीचे एस.डेल्टा पिलर कॉक एक नग,४,५२० रुपये किमतीचे एक एस.डेल्टा २ इन बिब कॉक सिंगल हँडल दोन नग,७,५१९ रुपये किमतीचे एस.फुशन पिलर कॉक ४ नग,७,२३० रुपये किमतीचे एस.फुशन पिलर कॉक ३ नग,५,४४० रुपये किमतीचे एस.स्पुन पिलर कॉक स्टील बॉडी २ नग,५,६२० रुपये किमतीचे किर्लोस्कर रिंन एक एच.पी.मोटार एक नग,४,०३९ र रूपये किमतीचे किर्लोस्कर छोटू स्टार १.०२ एच.पी.१ नग,१०,९४१ किमतीचे लुबी ०.५ एच.पी.व्हॉटर पंप ३ नग,६,५२० किमतीचे किर्लोस्कर जलाल्ड (ब्रॉन्झ)१ एच.पी.एक नग,१४,४९० रुपये किमतीचे कोहिनुर एन.आर.व्ही.२५ एम.एम.१ इंच २१ नग,२ हजार रुपये किमतीचे कोहिनुर एन.आर.व्ही.२० एम.एम.३/४ इंच ५ नग,१,२५० रुपये किमतीचे १/२ इंच एन.आर.व्ही.असे मिळून एकूण ७१ हजार २२० रुपयांचा ऐवज चोरट्यानी लंपास केला आहे.व अज्ञात आरोपी विरुद्ध फिर्यादी गायकवाड यांनी कोपरगाव शहर पोलीस ठाण्यात गुन्हा दाखल केला आहे.

कोपरगाव शहर पोलिसांनी या प्रकरणी आपल्या दप्तरी अज्ञात आरोपी विरुद्ध गु.नोंद क्रं.३२३/२०२२ भा.द.वि.कलम ४५७,३८० अन्वये आज दुपारी ३.५० वाजता गुन्हा दाखल केला आहे.पुढील तपास पोलीस निरीक्षक देसले यांचे मार्गदर्शनाखाली पोलीस हे.कॉ.डी.आर.तिकोणे हे करत आहेत.