पर्यटन व तीर्थक्षेत्र
…या मतदार संघातील तीन देवस्थानास’क’ वर्ग दर्जा-माहिती
न्युजसेवा
कोपरगाव- (प्रतिनिधी)
अहील्यानगर जिल्हाधिकारी कार्यालयात पार पडलेल्या जिल्हा नियोजन समितीच्या बैठकीत केलेल्या मागण्यांची दखल घेवून कोपरगाव विधानसभा मतदार संघातील श्री राजा विरभद्र देवस्थान भोजडे,श्री महादेव मंदिर देवस्थान डाऊच खु.व श्री महादेव मंदिर देवस्थान सडे या देवस्थानास तीर्थक्षेत्र ‘क’ वर्ग दर्जा मंजूर करण्यात आला असल्याची माहिती आ.आशुतोष काळे यांनी दिली आहे.
दरम्यान वारी व संवत्सर येथील प्राथमिक आरोग्य केंद्रासाठी प्रत्येकी एक रुग्णवाहिका मंजुर करण्यात आली असल्याची माहिती आ.आशुतोष काळे यांनी दिली आहे.
ग्रामीण भागातील तिर्थक्षेत्रांच्या ठिकाणी दिवसेंदिवस देवदर्शना साठीयात्रेकरुंची संख्या मोठ्या प्रमाणांत सातत्याने वाढत आहे.अशा ठिकाणी भाविक / यात्रेकरु यांना विविध सोयी-सुविधा संबंधित स्थानिक स्वराज्य संस्थांना (उदा.ग्राम पंचायत) त्यांच्या तुटपुंज्या उत्पन्नामुळे पुरविणे शक्य होत नाही म्हणून शासनाने ग्रामीण भागातील तिर्थक्षेत्रांचा विकास करण्यासाठी स्थानिक स्वराज्य संस्थांना अनुदान देण्याची योजना सुरु केली.त्याअंतर्गत हा निधी राज्य सरकार पुरविणार आहे.त्यात या गावांचा समावेश झाला आहे.
राज्याचे जलसंपदा तथा जिल्ह्याचे पालकमंत्री राधाकृष्ण विखे यांच्या अध्यक्षतेखाली जिल्हाधिकारी कार्यालयात जिल्हा नियोजन समितीची बैठक मोठ्या उत्साहात पार पडली आहे.या बैठकीत आ.आशुतोष काळे यांनी पालकमंत्र्यांकडे मतदार संघाच्या विविध विकास कामांबरोबरच मतदार संघाच्या समस्यांकडे पालकमंत्र्यांचे लक्ष वेधून मतदार संघातील विविध देवस्थानांना क वर्ग दर्जा मिळावा अशी मागणी केली होती.
या मागण्यांची दखल घेऊन पालकमंत्री राधाकृष्ण विखे यांनी श्री राजा विरभद्र देवस्थान भोजडे,श्री महादेव मंदिर देवस्थान डाऊच खुर्द व श्री महादेव मंदिर देवस्थान सडे या देवस्थानास तीर्थक्षेत्र ‘क’ वर्ग दर्जा मंजूर करून उर्जा विभागाच्या समस्या दूर करण्यात येतील असे आश्वासन देवून कोपरगाव मतदार संघाच्या पूर्व भागातील वारी व संवत्सर येथील प्राथमिक आरोग्य केंद्रासाठी प्रत्येकी एक रुग्णवाहिका मंजुर केली असल्याची माहिती आ.आशुतोष काळे यांनी दिली आहे.
या आधीच आ.काळे यांच्या प्रयत्नांतून मागील पंचवार्षिकमध्ये श्री.क्षेत्र मयुरेश्वर देवस्थान पोहेगाव,श्री.लक्ष्मीमाता मंदिर देवस्थान कोकमठाण,श्री क्षेत्र रामेश्वर देवस्थान वारी,श्री क्षेत्र महेश्वर देवस्थान कोळपेवाडी,श्री क्षेत्र अमृतेश्वर देवस्थान माहेगाव देशमुख,श्री जगदंबा माता मंदिर देवस्थान ब्राम्हणगाव आदी देवस्थानांना ‘क’वर्ग दर्जा मिळवून दिला आहे.
या देवस्थानास तीर्थक्षेत्र ‘क’ वर्ग दर्जा मंजूर करण्यात आल्यामुळे भोजडे,डाऊच खु.व सडे येथील ग्रामस्थांबरोबरच भाविकांनी आ.काळे यांचे आभार मानले आहे.
