जाहिरात-9423439946
कोपरगाव तालुका

शिर्डी पुन्हा साईभक्तांनी बहरली,देणगीची बरसाद सुरु

जाहिरात-9423439946

न्यूजसेवा

कोपरगाव-(प्रतिनिधी)

राज्‍य शासनाच्‍या आदेशाने आज दिनांक ०७ ऑक्‍टोबर पासून पहाटेच्‍या काकड आरतीनंतर श्री साईबाबांचे समाधी मंदिर भाविकांना दर्शनासाठी खुले करण्‍यात आले असून दिवसभरात सुमारे ११ हजार साईभक्‍तांनी सामाजिक अंतराचे पालन करुन श्री साईबाबांच्‍या समाधीच्‍या दर्शनाचा लाभ घेतला असल्‍याची माहिती संस्‍थानच्‍या मुख्‍य कार्यकारी अधिकारी श्रीमती भाग्‍यश्री बानायत यांनी आमच्या प्रतिनिधीस दिली आहे.

“आज पहाटे साईभक्‍तांना गेट नंबर ०२ मधुन श्रींच्‍या काकड आरती व दर्शनाकरीता प्रवेश देण्‍यात आला.लॉकडाऊननंतर सुमारे ०५ महिन्‍याने श्री साईबाबांचे समाधी मंदिर भाविकांच्‍या दर्शनासाठी खुले करण्‍यात आल्‍यामुळे भक्‍तांच्‍या अतिउत्‍सहामुळे दिवसभरात ११ हजार साईभक्‍तांनी सामाजिक अंतराचे पालन करुन श्री साईबाबांच्‍या समाधीच्‍या दर्शनाचा लाभ घेतला.यामध्‍ये शिर्डी ग्रामस्‍थ व शिर्डी पंच्‍यक्रोशितील भाविकांचा मोठयाप्रमाणात सहभाग होता”-भाग्यश्री बानायत,मुख्य कार्यकारी अधिकारी,साईबाबा संस्थान शिर्डी.

श्रीमती बानायत म्‍हणाल्‍या,”जगभरात,देश व राज्‍यात आलेल्‍या कोरोना व्‍हायरसच्‍या संकटामुळे प्रतिबंधात्‍मक उपाययोजना म्‍हणून शासनाच्‍या वतीने लॉकडाऊन करण्‍यात आले असून दिनांक ०५ एप्रिल २०२१ पासून श्री साईबाबांचे समाधी मंदिर साईभक्‍तांना दर्शनासाठी बंद ठेवण्‍यात आलेले होते.दिनांक २४ सप्‍टेंबर रोजी राज्‍य शासनाने दिनांक ०७ ऑक्‍टोबर पासून घट स्‍थापनाच्‍या मुहुर्तावर महाराष्‍ट्रातील सर्व धार्म‍िकस्‍थळे काही अटी शर्तीवर खुले करण्‍याचे आदेश दिलेले आहेत. तसेच अजुन कोरोना व्‍हायरसचे सावट संपले नसुन साईभक्‍तांना श्रींचे दर्शन सुलभरित्‍या व्‍हावे याकरीता श्रींच्‍या दर्शन,आरतीचे सर्व परवाना हे ऑनलाईन उपलब्‍ध करण्‍यात आले.तसेच त्‍यांच्‍या आरोग्‍याच्‍या दृष्‍टीने दर्शनरांगेत सॅनिटायझेशन करणे,थर्मल स्क्रिनिंग करणे व दर्शनरांगेत प्रवेश करताना पाय धुण्‍याची व्‍यवस्‍था आदी उपाययोजना संस्‍थानच्‍या वतीने करण्‍यात आल्‍या. दर्शनासाठी आलेल्‍या भाविकांना गेट नंबर ०२ मधुन प्रवेश देवुन व्‍दारकामाई मंदिरातून समाधी मंदिरामधुन दर्शन घेऊन गुरुस्‍थान मंदिर मार्गे ०४ व ०५ नंबर गेटव्‍दारे बाहेर जाणे असा मार्ग उपलब्‍ध करुन देण्‍यात आला आहे.
आज पहाटे साईभक्‍तांना गेट नंबर ०२ मधुन श्रींच्‍या काकड आरती व दर्शनाकरीता प्रवेश देण्‍यात आला.लॉकडाऊननंतर सुमारे ०५ महिन्‍याने श्री साईबाबांचे समाधी मंदिर भाविकांच्‍या दर्शनासाठी खुले करण्‍यात आल्‍यामुळे भक्‍तांच्‍या अतिउत्‍सहामुळे दिवसभरात ११ हजार साईभक्‍तांनी सामाजिक अंतराचे पालन करुन श्री साईबाबांच्‍या समाधीच्‍या दर्शनाचा लाभ घेतला.यामध्‍ये शिर्डी ग्रामस्‍थ व शिर्डी पंच्‍यक्रोशितील भाविकांचा मोठयाप्रमाणात सहभाग होता.तर बेंगलौर येथील देणगीदार साईभक्‍त सतिष चिप्‍पालाकट्टी यांच्‍या देणगीतुन मंदिर व मंदिर परिसरासह दर्शन रांगेत फुलांची आकर्षक सजावट करण्‍यात आली होती. तसेच साईभक्‍तांव्‍दारे देणगी कार्यालयात सुमारे ०८ लाख रुपये देणगी प्राप्‍त झाली असल्‍याचे श्रीमती बानायत यांनी सांगितले.
श्री साईबाबांचे मंदिर खुले झाल्‍यामुळे व संस्‍थानच्‍या वतीने करण्‍यात आलेल्‍या उपाययोजनांबाबत साईभक्‍तांकडून समाधान व्‍यक्‍त केले जात आहे.तसेच कोरोनाच्‍या पार्श्‍वभुमीवर भाविकांना दर्शनासाठी मंदिर खुले करताना यशस्‍वीपणे नियोजन करण्‍यासाठी संस्‍थानचे मुख्‍य कार्यकारी अधिकारी श्रीमती भाग्‍यश्री बानायत यांच्‍या मार्गदर्शनाखाली उप मुख्‍य कार्यकारी अधिकारी रविंद्र ठाकरे,मुख्‍यलेखाधिकारी बाबासाहेब शिंदे,प्रशासकीय अधिकारी डॉ.आकाश किसवे,दिलिप उगले,संरक्षण अधिकारी आण्‍णासाहेब परदेशी,सर्व विभाग प्रमुख व कर्मचारी हे प्रयत्‍नशिल आहेत.

Related Articles

Leave a Reply

Your email address will not be published. Required fields are marked *

Close