जाहिरात-9423439946
जाहिरात-9423439946
सहकार

…या सोसायटीची वार्षिक सर्वसाधारण सभा संपन्न

जाहिरात-9423439946

न्यूजसेवा

कोपरगाव-(प्रतिनिधी)    

कर्मवीर शंकरराव काळे एज्युकेशन सोसायटीची ५२ वी वार्षिक सर्वसाधारण सभा नुकतीच गौतम पब्लिक स्कूलच्या कार्यालयात मोठ्या उत्साहात सपंन्न झाली आहे.

“संस्थेचा शैक्षणिक उद्देश मांडत संलग्न शाखांकडुन नफा न कमवता ज्ञानदानाचे कार्य करणे हा संस्थेचे संस्थापक माजी खा.कर्मवीर शंकरराव काळे याचा वारसा पुढे नेण्याचा प्रयत्न या संस्थेमार्फत अखंडपणे चालु ठेवला आहे”-आ.आशुतोष काळे,कोपरगाव.

महाराष्ट्र सहकारी संस्था अधिनियम, १९६० व नियम, १९६१ मधील कलम ७५(१) मध्ये तरतूद केल्याप्रमाणे,सहकारी व अन्य संस्थेची वार्षिक सर्वसाधारण सभा सहकार वर्ष समाप्त झाल्यापासून सहा महिन्यांच्या आत म्हणजेच ३० सप्टेंबर रोजी किंवा तत्पूर्वी घेणे बंधनकारक आहे.वार्षिक सर्वसाधारण सभा भरवण्याकरिता मुदतवाढ देण्याची तरतूद नाही.त्यानुसार कर्मवीर शंकरराव काळे एज्युकेशन सोसायटीची ५२ वी वार्षिक सर्वसाधारण सभा नुकतीच मोठ्या उत्साहात संपन्न झाली आहे.कार्यक्रमाच्या अध्यक्षस्थानी माजी आ.अशोक काळे हे होते.

सदर प्रसंगी संस्थेच्या सचिव चैताली काळे,कारभारी आगवण,सिकंदर पटेल,भास्कर आवारे,बाबासाहेब कोते,उत्तम औताडे,राधुजी कोळपे,दिलीप चांदगुडे,रामराव गवळी,चांगदेव आगवण,अशोक मुरलीधर काळे,मच्छिंद्र रोहमारे,मच्छिंद्र देशमुख,मधुकर घुमरे,राहुल मांजरे तसेच गौतम पब्लिक स्कूलचे प्राचार्य नूर शेख,सुशीलामाई काळे महाविद्यायाच्या प्राचार्या डॉ.विजया गुरसळ,गौतम पॉलिटेक्निक इन्स्टिटयुटचे प्राचार्य सुभाष भारती,न्यू इंग्लिश स्कूल देर्डे चांदवडचे मुख्याध्यापक प्रकाश देशमुख,काकडीचे मुख्याध्यापक बाळासाहेब गुडघे आदी मान्यवर उपस्थित होते.

सदर प्रसंगी सदर बैठकीचे प्रास्तविक प्राचार्य डॉ.विजया गुरसळ यांनी केले आहे तर प्रारंभी मान्यवरांच्या हस्ते कर्मवीर शंकररावजी काळे यांच्या प्रतिमेचे पुजन करण्यात आले.अध्यक्ष पदाची सूचना मच्छिंद्र रोहमारे यांनी मांडली सदर सूचनेस अशोक मुरलीधर काळे यांनी अनुमोदन दिले.मच्छिंद्र रोहमारे यांनी दिवंगत झालेले सभासद,मान्यवर,हितचिंतक,कर्मचारी यांच्या श्रद्धांजलीचा ठराव मांडला.विषय पत्रिकेप्रमाणे सभेच्या कामकाजास सुरूवात होवून विषय पत्रिकेवरील सर्व विषय एकमताने मंजूर करण्यात आले आहेत.

सदर प्रसंगी संस्थेचे विश्वस्त आ.आशुतोष काळे यांनी बोलतांना,”संस्थेचा शैक्षणिक उद्देश मांडत संलग्न शाखांकडुन नफा न कमवता ज्ञानदानाचे कार्य करणे हा संस्थेचे संस्थापक माजी खा.कर्मवीर शंकरराव काळे याचा वारसा पुढे नेण्याचा प्रयत्न या संस्थेमार्फत अखंडपणे चालु ठेवला असल्याचे सांगितले असून शासनाच्या येत्या काळात बदलत्या शैक्षणिक धोरणाचा विचार करता आपल्या शैक्षणिक संस्थेतही बदल करणे आवश्यक असुन त्यानुसार विविध कोर्सेस,ज्युनियर कॉलेज मार्फत अथवा फ्रँचाईजी नियुक्त करून चालु करण्याचा प्रयत्न केले जाणार असल्याचे सूतोवाच केले आहे.

सदर प्रसंगी सदर बैठकीचे प्रास्तविक व इतिवृत्त वाचंन संस्थेचे वरिष्ठ लिपिक केशव दळवी यांनी केले तर संस्थेचे सभासद कारभारी आगवण यांनी उपस्थितांचे आभार मानले आहे.

Related Articles

Leave a Reply

Your email address will not be published. Required fields are marked *

Close