न्यायिक वृत्त
दरोड्यातील..’त्या’ आरोपींना पाच दिवसांची पोलीस कोठडी !
न्युजसेवा
कोपरगाव-(नानासाहेब जवरे)
कोपरगाव तालुक्यातील काकडी (शिर्डी) विमानतळाला लागून दक्षिण बाजूस असलेल्या भोसले वस्तीवर ५ एप्रिल रोजी पहाटे झालेल्या हल्ल्यातील आरोपी नगर पोलिसांनी जेरबंद करून त्यांना काल कोपरगाव येथील न्यायदंडाधिकारी स्मिता बनसोड यांचेसामोर हजर केले असता आरोपी संदीप दहाबाड व जगन काशिनाथ किरकिरे चौकी.रा.तेलीम्बर पाडा,मोखाडा,ता.पालघर यांना सहा दिवसांची पोलीस कोठडी सुनावली असल्याची माहिती चौकशी अधिकारी शिरीष वमने यांनी आमच्या प्रतिनिधीशी बोलताना दिली आहे.
दरम्यान या दरोड्यात जखमी असलेल्या महिला साखरबाई भोसले यांचेवर प्रवरा ग्रामीण रुग्णालयात उपचार सुरू असल्याची माहिती पोलिसांनी दिली आहे.त्यांच्यावर मेंदूवर शस्त्रक्रिया करण्यात आली आहे.मात्र अद्याप त्या कोमात असल्याचे समजत आहे.
सदरचे सविस्तर वृत्त असे की,”कोपरगाव तालुक्यातील काकडी विमानतळाच्या दक्षिण बाजूस असलेल्या भोसले वस्तीवर दिनांक ०५ एप्रिल रोजी रात्रीच्या सुमारास काही चोरट्यांनी पाळत ठेऊन साहेबराव पोपट भोसले यांच्या वस्तीवर सशस्त्र हल्ला चढवला होता.त्यात ते स्वतः सह त्यांचा मुलगा कृष्णा साहेबराव भोसले (वय ३२) हे जागीच ठार झाले असल्याचे दिसून आले आहे.तर त्यांची पत्नी साखरबाई भोसले या गंभीर जखमी झाल्या होत्या.तर त्यांची वृद्ध,अंध आई आश्चर्यकारक बचावल्या होत्या.ही बाब दूध घालण्यास वेळेवर येणारे भोसले कुटुंब आज का आले नाही याचा शोध घेतल्यावर दूध संस्थाचालक यांचेकडून उघड झाली होती.त्यामुळे नगर पोलिसांचे चांगलेच धाबे दणाणले होते.त्यामुळे घटनास्थळी पोलिस अधीक्षक राकेश ओला,श्रीरामपूर येथील अतिरिक्त पोलिस अधीक्षक वैभव कलबुर्मे,शिर्डी येथील उपविभागीय पोलिस अधिकारी शिरीष वमने,राहाता पोलिस निरीक्षक नितीन चव्हाण आदींनी घटनास्थळी तातडीने हालचाल केली होती व आरोपींचा शोध सुरू केला होता.त्यावेळी सिन्नर तालुक्यातील पळसे येथील टोल नाक्यावर घटनास्थळावरून चोरून नेलेल्या बजाज प्लॅटिना या दुचाकीने फरार होत असताना त्यांना बारा तासांच्या आत अटक केली होती.त्यानंतर त्यांना काल रविवार असताना कोपरगाव येथील न्यायदंडाधिकारी स्मिता बनसोड यांचेसमोर हजर केले होते.शिर्डी पोलिसांनी केलेल्या युक्तिवादात नंतर त्यांना दिनांक ११ एप्रिल २०२५ पर्यंत सहा दिवसांची पोलीस कोठडी सुनावली आहे.
दरम्यान या दरोड्यात जखमी असलेल्या महिला साखरबाई भोसले यांचेवर प्रवरा ग्रामीण रुग्णालयात उपचार सुरू असल्याची माहिती पोलिसांनी दिली आहे.त्यांच्यावर मेंदूवर शस्त्रक्रिया करण्यात आली आहे.मात्र अद्याप त्या कोमात असल्याचे समजत आहे.यात मयत साहेबराव भोसले व त्यांचा अविवाहित मुलगा कृष्णा भोसले यांची ही हत्या आरोपींनी चोरी करण्याच्या उद्देशानेच केली असल्याचे उघड झाले आहे.
दरम्यान या दरोड्यात अटक केलेल्या दोन चोरट्यांनी २४ लाख रुपयांचा जवळपास तीस तोळ्यांचा ऐवज लंपास केला होता अशी माहिती त्यांच्या नातलगांनी दिली आहे.त्यात मयत तरुण कृष्णा भोसले यांच्या होणाऱ्या वधुसाठी आणि दोन बहिणींचे दागिने त्या ठिकाणी ठेवण्यास दिले होते अशी माहिती प्राप्त होत आहे.
