क्रीडा विभाग
कोपरगावच्या युवकांनी शरीर संपदाकडे लक्ष देण्याची गरज-आवाहन
न्यूजसेवा
कोपरगाव-(प्रतिनिधी)
कोपरगाव मतदार संघातील युवकांच्या मागणीवरून अनेक गावात जिम साहित्य दिले असून या जिम साहित्याचा फायदा घेवून युवा वर्गाने शरीर सुदृढ व निरोगी बनवावे असे आवाहन आ.आशुतोष काळे यांनी कोपरगाव नजीक असलेल्या शिंगणापूर येथील कार्यक्रमात बोलताना केले आहे.
“आजच्या धावपळीच्या जीवनात दिवसाचे २४ तास सुद्धा कमी पडत असून प्रत्येकाच्या हातात स्मार्ट फोन असल्यामुळे तरुणाईचे शरीराकडे थोडेसे दुर्लक्ष होत आहे.त्यामुळे विविध नोकरीच्या भरतीवेळी शारीरिक तंदुरुस्तीच्या नियमात न बसल्यामुळे नोकरीच्या संधीला मुकावे लागते.त्यामुळे युवा वर्गाने जिमच्या साहित्याचा पुरेपूर फायदा घेवून आपली शरीर संपत्ती कमवावी व करिअरच्या संधी हातातून जाणार नाही याची दक्षता घ्यावी”-आ.आशुतोष काळे,कोपरगाव.
कोपरगाव तालुक्यातील शिंगणापूर गावातील युवकांच्या मागणीवरून आ.काळे यांनी बंदिस्त जिम साहित्य दिले.या जिमच्या साहित्याचे लोकार्पण नुकतेच त्यांच्या शुभहस्ते पार पडले यावेळी तरुणाईशी संवाद साधतांना ते बोलत होते.
सदर प्रसंगी कोपरगाव पंचायत समितीचे माजी उपसभापती अर्जुन काळे,कर्मवीर शंकरराव काळे सहकारी साखर कारखान्याचे माजी संचालक चांगदेव आगवन,जालिंदर संवत्सरकर,संजय संवत्सरकर,कैलास संवत्सरकर,अनिल कुऱ्हे,घनश्याम कुऱ्हे,लाला आजगे,गणपत विधाटे,सुरेश संवत्सरकर,ग्रामसेवक दिलीप वारकर,कॉन्ट्रॅक्टर अल्ताफ हुसेन आदींसह ग्रामस्थ उपस्थित होते.
त्यावेळी पुढे बोलताना ते म्हणाले की,”आजच्या धावपळीच्या जीवनात दिवसाचे २४ तास सुद्धा कमी पडत असून प्रत्येकाच्या हातात स्मार्ट फोन असल्यामुळे तरुणाईचे शरीराकडे थोडेसे दुर्लक्ष होत आहे.त्यामुळे विविध नोकरीच्या भरतीवेळी शारीरिक तंदुरुस्तीच्या नियमात न बसल्यामुळे नोकरीच्या संधीला मुकावे लागते.त्यामुळे युवा वर्गाने जिमच्या साहित्याचा पुरेपूर फायदा घेवून आपली शरीर संपत्ती कमवावी व करिअरच्या संधी हातातून जाणार नाही याची दक्षता घ्यावी.युवा वर्गाच्या मागणी वरून जिम साहित्य दिले असून युवकांच्या सर्व समस्या सोडविणार असल्याचे उपस्थितांना आश्वासन दिले आहे.
सदर प्रसंगी सचिन संवत्सरकर,चेतन संवत्सरकर व दीपक बोरुडे यांनी राष्ट्रवादी काँग्रेस पक्षात प्रवेश केला.त्यांचे आ. काळे यांनी स्वागत केले आहे.
सदर प्रसंगी कार्यक्रमाचे प्रास्तविक अर्जुन काळे यांनी केले तर उपस्थिणचे आभार ग्रामविकास अधिकारी दिलीप वारकर यांनी मानले आहे.
